Pse nuk shkojnë në prokurori të akuzuarit e Lulit?!

 

E gjithë politika,

duket si teatër,

kur hidhen në skenë,

akuza-makabër!

 

Luli akuzon,

fare lehtësisht,

gjithë kriminelët,

i tregon me gisht!

 

Por emrin e tyre,

ata kur dëgjojnë,

për çudinë tonë,

fare s’reagojnë!

 

U kap kokaina,

dhe Luli s’vonoi,

vëllanë e Edi Ramës,

direkt akuzoi!

 

Akuza të tjera,

fare nominale,

dhe njerëz të tjerë,

përfshijnë në skandale!

 

Po unë dhe të tjerët,

bëj e bëj çudi,

si nuk shkon asnjëri,

në prokurori?!

 

T’i ngrënë padi,

shokut Lulëzim,

për fyerja publike,

shpifje dhe mashtrim!

 

Sipas tyre heshtja,

është më e mira,

po heshtja kuptohet,

në disa mënyra!

 

Mënyra e parë,

me Lulin s’ja vlen,

sepse për çdo gjë,

Lulashi gënjen!

 

Po ka dhe të tjerë,

që ndryshe mendojnë,

gjersa këta heshtin,

tregon që pranojnë!

 

Je-apo nuk je,

një që humbe nderin,

gjykata e ndan,

shapin dhe sheqerin!

 

Akuza-akuza,

prodhon ky Katund,

dhe kjo gjendje-kurrë,

nuk do marri fund!

 

Nuk do marri fund,

e gjithë kjo shamatë,

kur të kanë njollosur,

dhe s’shkon në gjykatë!

 

Në gjykatë është ndryshe,

shoku Lulëzim,

aty duhen prova,

nuk flet dot qesim!

 

Në gjykatë është ndryshe,

nuk bën dot gallatë,

s’thua dot-se fola,

për të bërë fushatë!

 

Dhe varianti tjetër,

kur kaq gjëra di,

pse nuk i çon Luli,

në prokurori?!

 

Nëse e ndjen vehten,

zot të asaj zone,

ose vërtetoi,

o mos leh si kone!

 

Një proces i madh,

këtu është i pritshëm,

sepse jeni bërë,

krejt të neveritshëm!

 

Ndaj duhet që lopën,

një njeri ta mjelë,

se duket se kemi,

vetëm kriminelë!

 

Që këtu të kthehet,

një rregull dhe ligj,

dikush me patjetër,

të shkojë në gjyq!

 

Arben Duka