Të shfrytëzosh billbordet e reklamave për t’u ofruar banesë të pastrehëve. Kjo është ideja e një kompanie të re sllovake, Gregory Ad Solution, e cila ka hartuar një plan për të minimizuar numrin e endacakëve të pastrehë.
Banesat është planifikuar të kenë strukturë trekëndore, me dy ndarje: në të parën hyrja, kuzhina, një tavolinë dhe dhoma e gjumit, ndërsa në tjetrën tualeti.
Projekti është ideuar për qytetin Banska Bystrica, por është i adaptueshëm kudo, me kusht që billbordet të jenë në vende të përshtatshme për të jetuar.
Hartuesit thonë se janë të hapur për modifikime nga ana e arkitektëve, ndërsa vijojnë punën për të gjetur sponsorët, që do të bëjnë të mundur realizimin.
