Publikohet video pa audio ku pretendohet kërcënimi i dëshmitarit të mbrojtur të çështjes CEZ

Televizioni “News24” publikoi një video ku pretendohet se tregohet kërcënimi i dëshmitarit të mbrojtur të çështjes CEZ.

Në fakt video e shfaqur nga gazetari Artan Hoxha nuk përmban audio, ndërsa vetë gazetari shprehet se:   “Kastriot Ismailaj akuzohet për pastrim parash, aktualisht ndodhet në burgun e Fierit. Ka një tjetër gjyq për pronësinë për DIA-­n. Akuzat e ndërsjella në Shqipëri kanë vënë në pikëpyetje njerëzit që kanë sakrifikuar për të mirë të shtetit shqiptar, për të shpëtuar shtetin nga humbja me deklarimet e tyre në Vjenë dhe Pragë. Janë disa dëshmi, dhe mes tyre ajo e ish­-drejtorit të CEZ. Pas ka dhënë dëshminë në favor të shtetit shqiptar, ky dëshmitar është marrë në mbrojtje, pasi është kërcënuar, gjurmuar dhe ndjekur në vazhdimësi. Synonin që t’i bënin presion që ai të dëshmonte në favor të DIA­s. Efektivët e forcave RENEA e kanë mbrojtur me përkushtim. Mbas momentit kur u deklarua se ky person është kërcënuar sërish, është kërcënuar sërish. Është identifikuar ky person, i është publikuar emri, fotot, bizneset, janë hedhur akuza të rreme për ta trysnuar dhe për ta trembur. Edhe gjatë 24 orëve të fundit. Ai është zgjedhur si kokë turku në mënyrë që konflikti politik që tashmë është zgjeruar, të bëjë që ky njeri të heshtë. Dëshmia e tij tashmë është dhënë në Vjenë, dhe deklarime të tjera të tij, u janë vënë në dispozicion diplomatëve të huaj, të cilët janë treguar të gatshëm të garantojnë paprekshmërinë e këtij personi, dhe ndjekjen e çështjes”.

Takimi është bërë në 11 shtator, rreth orës 14:40 minuta. “Është tentuar të bëhet trysni nga institucionet shtetërore, i kam vendosur gjobë biznesit të tij për gjëra jo ekzistente. Dëshmia e tij e dhënë në Vjenë u publikua. Ky nuk mbrohet nga Prokuroria sepse s’ka statusin e të penduarit. Kemi të bëjmë me një aferë të madhe korruptive. Ky korrupsionin ka dëmtuar shtetin dhe qytetarin. Aferë korruptive në mijëra euro. Përshëndes deklaratën e Berishës dje dhe të Metës sot”, vijon gazetari.

Por shfaqja e videos ngre dyshime të shumta në lidhje me atë se çfarë realisht është diskutuar. Mungesa e zërit bën që të mos kuptohet nëse e kanë kërcënuar apo kanë biseduar për diçka tjetër.