Presidenti rus Vladimir Putin ka dekretuar së fundmi një ligj që i jep të drejtën vetes të ashpërsojë, madje edhe bllokojë marrëdhëniet me vendet e cilësuara si jo miqësore.
Ligji i cilësuar si një masë kundër sanksioneve, u miratua nga të dyja dhomat e parlamentit rus.
Vladimir Putinit, përmes këtyre ligjeve, i jepet gjithashtu e drejta të bllokojë importet e mallrave nga këto vende.
Ndonëse nuk përmendet asnjë shtet në paketën e re ligjore, analistët politikë e quajnë atë një lëvizje kundër sanksioneve të Shteteve të Bashkuara dhe Perëndimit.
Uashingtoni miratoi në muajin prill sanksionet e fundit ndaj zyrtarëve të lartë rusë , ku mes tyre gjendeshin: Ministri i Brendshëm, ish-Kryeministri, si dhe sipërmarrës rusë që janë pranë presidentit Putin, të përfolur si oligarkë.
Marrëdhëniet e Rusisë me SHBA-të, BE-në dhe vendeve të tjera aleate u përkeqësuan ndjeshëm pas dëbimit të më shumë se 140 diplomatëve rusë nga këto vende.
Vala e dëbimeve erdhi pas rastit Skripal, ish-agjentit rus i cili u helmua në Britaninë e Madhe, një vepër për të cilën akuzohet Moska.
Mes vendeve të rreshtuara kundër Rusisë ishte edhe Shqipëria, e cila dëboi dy diplomatë rusë.
s.a/dita
Marrezija jone: SHTET I VOGEL BEJME POLITIKE TE “madhe”:
Kujtojme se na e di Europa per favor qe i beme bllokatre ekonomike Putinit.