Agjensia mbikqyrëse e mediave në Rusi ka detyruar mbylljen e agjencisë së lajmeve Rosbalt për shkak të dy videove të publikuara në YouTube që përmbajnë “fjalë fyese”. Gazetarët rusë janë zemëruar shumë me këtë rast, duke e konsideruar si sulmin e fundit mbi lirinë e shtypit.
Mbyllja do të lërë pa punë 60 redaktorë dhe një numër të madh kontribuesish free-lance. Rosbalt, e cila ka selinë në Shën Petersburg, ishte një nga agjencitë më të popullarizuara online, edhe pse më e vogël se agjencitë e lajmeve Interfax dhe RIA Novosti.
Ligji i ri i Putin dënon fort fjalët e turpit, dhe Rosbalt u sulmua pikërisht se kishte nxjerrë 2 video online – njërën që tregon një skenë pas një aksident me makinë, dhe tjetra me një pamje nga imituesit e grupit Pussy Riot. Të dy videot përmbajnë fjalë të pahijshme, që Rosbalt i kishte mbuluar me një “biip” ,mbikqyrësi i medias nxori videot origjinale dhe të pacensuruara në gjykatë. Sulmi duket i bërë qëllimshëm sepse videot ishin publikaur dhe nga sajte të tjera ruse. / Respublica