Dhjetëra kamionë të tonazhit të rëndë kanë mbetur me orë të tëra të bllokuar në pikën kufitare të Qafë Thanës, ndërsa drejtuesit e tyre kanë kritikuar ashpër autoriteteve doganore.
Sipas raportimeve, kamionët kanë të paktën mbi 4 orë që presin në radhë dhe shkak për këtë është bërë vonesa e kontrolleve në skaner.
Shoferët shprehen se ky është një veprim i padrejtë dhe abuziv, duke shtuar se janë pagues të rregullt të taksave dhe detyrimeve ndaj shtetit. Ata thonë se kjo vonesë nuk ndodh tek pala maqedonase.
Shoferët shprehen: “Kemi 4 orë që presim ne temperatura të larta. Nuk është aspak normale. E bëjmë çdo dite këtë rrugë dhe i njëjti avaz. Na mbajnë kot pa arsye. Mbajmë familjen me këtë punë. Paguajmë miliona taksa në shtet. Shërbimi është zero. Turp. Në palën maqedonase nuk ndodh kurrsesi diçka e tillë. Nuk na mbajnë me shume se 15 minuta”.
e.ll./dita
Shteti ka per detyre te te marri leket, jo te sherbeje. Dhe ju keni per detyre ta paguani dhe te vuani si qente