Një kufomë e dekompozuar është gjetur nga një bari i zonës në vendin e quajtur “Zabel” në fshatin Priskë. Policia thotë se mosha është e papërcaktuar.
“Kufoma ishte e groposur jo shumë thellë kur është kostatuar nga një bari i zonës, pasi qeni i bariut po gërmonte në vendin ku u gjet kufoma”, sqaron policia.
Kufoma u transportua pranë Morgut në SQU, për ekzaminimeve të mëtejshme mjeko ligjore.
Po punohet për identifikimin e kufomës dhe sqarimin e rrethanave të ngjarjes. Materialet i kaluan Prokurorisë, për hetime të mëtejshme. /Dita/