Qytetarët amerikanë nuk do të lejohen të udhëtojnë drejt Shteteve të Bashkuara, si pjesë e një vendimi të administratës, i cili do të bëhet publik gjatë ditëve në vijim.
Lajmi është raportuar fillimisht nga agjensitë turistike që operojnë këto linja, ndërsa shkak mendohet të jetë tensionimi i marëdhënieve mes Penianit dhe Uashingtonit, por edhe vdekja tragjike e studentit 22-vjeçar, Otto Varmbier, i cili u kthye nga shteti diktatorial në gjëndje kome.
Shtetet e Bashkuara pritet të ndalojnë qytetarët e tyre për të udhëtuar drejt Koresë së Veriut, ndërsa lajmi është raportuar fillimisht nga agjensitë turistike që operojnë linja të tilla.
Sipas burimeve jo-zyrtare, vendimi i administratës amerikane do të bëhet publik më datë 27 korrik, ndërsa akti do të futet në fuqi 30 ditë më vonë.
Ende nuk dihen arsyet e një politike të tillë, por situata mes Shteteve të Bashuara dhe Koresë së Veriut është përshkallëzuar ndjeshëm si rrjedhojë e testimit të armëve nga ana e Penianit, por edhe për shkak të rastit të Otto Warmbier.
Ky i fundit, ishte një student 22-vjeçar, i cili fillimisht u burgos nga autoritetet korano-veriore për shkak se vodhi një material propagandistik gjatë qëndrim të tij në një hotel vendas.
Më pas, ai u lirua nga burgu dhe u kthye në ShBA në gjëndje kome, ku edhe ndërroi jetë pas pak ditësh.
Ngjarja u dënua ashpër nga Uashingtonit, ndërsa komente pati edhe nga Presidenti Donald Trump.
Më herët, Departamenti Amerikan i shtetit ka lëshuar këshilla për të mos udhëtuar drejt vendit diktatorial, por ndalimi i plotë i udhëtimit drejt Koresë së Veriut përbën një nivel tjetër të përshkallëzimit të situatës mes dy vendeve.
Mesatarisht, përllogaritet se çdo vit afro 1 mijë qytetarë amerikanë viiztojnë Penianin si dhe qytete të tjera koreano-veriore.