Këshilli i Ministrave vendosi sot që të shpërblejë ushtarakët, FNSH-në, RENEA-n, pensionistë, familjet me ndihmë ekonomike dhe personat me aftësi të kufizuar.
Në një deklaratë për mediat nga Kryeministria, ministrja e Mbrojtjes Olta Xhaçka bëri me dije se ushtarakët dhe trupa e forcave të ndërhyrjes së Policisë së Shtetit, do të shpërblehen për punën e tyre që bën për përballimin e situatës së përmbytjeve.
“Forcat e Armatosura kanë qenë kurdoherë të parat, aty ku më shumë ka patur nevojë për ta. Por që prej vitit 2004 për efektivët në uniformë nuk është ndërmarrë asnjë trajtim i veçantë.
Me vendimin e sotëm, fondi prej 63 290 000 lekë do të shpërndahet në shenjë mirënjohjeje, për të gjithë ata, që u përfshinë në operacionin e jashtëzakonshëm përmes të cilit shteti përballoi një emergjencë të rrezikshme, dhe në veçanti për ata efektivë që ishin në vijën e parë të shpëtimit të jetëve.
Në emër të efektivëve të Forcave të Armatosura i shpreh vlerësimin tim Kryeministrit dhe Qeverisë Shqiptare, për vendimin e marrë sot, si edhe për zotimin publik, se viti 2018 do të jetë viti i fundit, i hendekut të pajustifikuar të shpërblimit financiar, mes Forcave të Armatosura dhe Policisë së Shtetit”, tha Xhaçka.
Ndërsa ministrja e Shëndetësisë Ogerta Manastirliu sqaroi se 30 mijë lekë të vjetra do të marrin pensionistët, familjet në ndihmë ekonomike dhe personat me aftësi të kufizuar.
Gjithashtu miratohet paketa e solidaritetit, duke shpërblyer me 20 mijë lekë të vjetra ata që trajtohen me ndihmë ekonomike, dhe ata me aftësi të kufizuar.
Nuk keni turp qe thoni rrena me bisht more???? C’fare “Shperblimesh fundviti” po jep qeveria e Ram leshit per buxhetoret??? ASNJE LEK! Ka 4 vjet ne pushtet dhe ZERO leke eshte Shperblimi i fundvitit per buxhetoret!!!!
Thoni te kunderten po patet ze te flisni. Hyyy plehra
Falnderoje qeverine dhe kryeministrin Rama,qe midise shume halleve te medha qe ka sot vendi yne,na shperbleu ne pensionistat,ushtaraket,dhe ata me aftesi te kufizuar,per festen e vitit te ri. Ju uroje gjithe qeverise qe edhe ata t’a kalojne sa me mire festen e vitit te ri 2018,duke qene nje vit i sukseve ne berjen e shtetit,mirqenje,dhe ne reformen ne drejtesi,te cilat populli mezi i pret.Urime dhe suksese,jete,shendet,fuqi dhe durim.