Ministri i Energjisë dhe Industrisë, Damian Gjiknuri, në një deklaratë për shtyp pas mbledhjes së qeverisë ditën e mërkurë, deklaroi se “nga kontrollet e kryera kanë rezultuar të rrezikshme 62 zona minerare, ku do të ndalohen aktivitetet ilegale që rrezikojnë jetën e banorëve”.
Gjiknuri theksoi se “do të pëzullohet shfrytëzimi minerar në një pjesë të zonës D në Bulqizë” dhe “do të revokohen 18 leje minerare”.
“Objektivi ynë është rritja e sigurisë në punë”, tha Gjiknuri, i cili akuzoi qeverinë e mëparshme për dhënie lejesh në mënyrë kaotike.
“Jemi të vetëdijshëm që ka ende shumë punë për të bërë në këtë sektor që ka dalë jashtë binarëve në periudhën e qeverisjes së Partisë Demokratike”, deklaroi Gjiknuri.