Qeveria ruse do të miratojë një ligj, sipas të cilit makinave të luksit do t’u vendoset një taksë ekstra. Ligji është sugjeruar nga presidenti Vladimir Putin. Lajmin e jep e përditshmja “Vedomosti”, e cila u referohet burimeve të saj pranë administratës së kryeministrit Medvedev.
Tema në fjalë është diskutuar dje në mbledhjen e qeverisë për çështjet fiskale. Por nuk është akoma e qartë lloji i taksës që do të aplikohet. Pritet që ajo të jetë taksë mbi pronësinë ose taksë që do të paguhet nga blerësi në momentin e blerjes apo importimit.
Rusia është ndër vendet e para në Europë për numrin e makinave të shtrenjta.