Qytetarët e Krimesë me pasaporta ruse, Ban Ki Moon niset në Moskë

Rusia ka nisur lëshimin e pasaportave për banorët e Krimesë, duke thënë se ata janë tani qytetarë rusë. Kievi ka thënë se do të nisë regjimin e vizave për rusët që duan të vizitojnë Ukrainën. Duke parë situatën në Krime, sekretari i përgjithshëm i Kombeve të Bashkuara, Ban Ki-moon, do të jetë në Moskë, ku do të takojë presidentin rus, Vladimir Putin. Ndërsa të premten, Ban do të udhëtojë drejt Kievit për bisedime me ushtruesin e detyrës së presidentit të Ukrainës, Oleksandr Turchynov, dhe kryeministrin Arseniy Yatsenyuk. Vizita ndodh në kohën e tensionimit të raporteve midis Rusisë dhe Ukrainës, për shkak të aneksimit të Krimesë nga Moska.