Babai i Granit Xhakës, Ragip Xhaka ka treguar çmimin e saktë të shitjes së birit të tij te skuadra angleze Arsenal.
Granit Xhaka u largua nga gjermania për te skuadra e Arsenalit në fillim të afatit kalimtar të verës. Sipas disa raporteve të fundit, Graniti u transferua te “Topçinjtë” për 45 milionë euro, megjithatë Ragipi tregon se i biri i tij u shit për 50 milionë euro.
“Graniti u shit për 50 milionë euro”, tha Ragipi në një emision të RTK-s.
Ai gjithashtu zbuloi disa top-skuadra të mëdha që kërkuan shërbimet e mesfushorit kosovar që mbron ngjyrat e Kombëtares së Zvicrës.
“Granitin e kërkuan edhe skuadra të mëdha si, Barcelona dhe Real Madrid, por bisedimet kishin dështuar”, shtoi Ragipi.