Kryetari i Partisë Socialiste, Edi Rama, ka reaguar në Tuiter për raportin e Global Financial Integrity, i cili informon se vetëm gjatë pesë viteve të fundit janë larguar nga Shqipëria 1.3 miliardë dollarë.
Në mesazhin e postuar në profilin e tij në Tuiter, kreu i PS shprehet se kjo përbën një të vërtetë rrëqethëse të pushtetit me vota të vjedhura.
“E vërteta rrëqethëse e pushtetit që vodhi votat për të vjedhur Shqipërinë -1.3 miliardë USD “të arratisura”,- shkruan Rama.
Global Financial Integrity (GFI) publikoi dje raportin mbi transferimin e paligjshëm të parave.
Sipas tij, nga Shqipëria janë larguar 1.3 miliardë dollarë në vetëm 5 vitet e fundit.
Sipas grupit amerikan, paratë në sasinë sa 1/3 e buxhetit në total të Shqipërisë kanë dalë jashtë vendit, përmes veprimeve të paligjshme si korrupsioni, evazioni fiskal etj.