Kryesocialisti Rama është takuar sot me tregtarët e Laprakës. Rama bisedoi nga afër me biznesin e vogël, të cilët gjenden në vështirësi, për shkak të listave të borxheve.
Kreu i opozitës ka dëgjuar nga afër shqetësimet e tregtarëve me pakicë, që luftojnë çdo ditë për mbijetesë, duke u përballur me gjobat tatimore që po i çojnë drejt falimentit.
“Në Laprakë, ku luftohet për mbijetesë! Biznesi i vogël po falimenton. Borxhet po nxijnë jetën e shumicës dërrmuese. Ka vetëm një përgjigje të qartë për të ndalur rrënimin e mëtejshëm: NJË VOTË PËR NJË RILINDJE SHQIPTARE!. Rilindje për të zhbërë bandat e xhandarmërisë tatimore që po shkatërrojnë me gjoba abuzive çdo shitës e biznes”, shprehet Rama në Tuiter.