Shoferi i tragjedisë: Isha me shpejtësi, s’e mendova përplasjen

Shoferi I kamionit që u përplas me mjetin e 5 të rinjve që mbetën të vdekur në kryqëzimin e Vaut të Dejës në Shkodër, është i shokuar. Lajmi se pesë adoleshentët kanë humbur jetën, kanë bërë që ai ti kërkojë ekspertëve të dënohet, sepse nuk mund të përballej më në jetë me një ngjarje të tillë. “Isha më shpejtësi, nuk e mendova se mund të përplasesha. Kujtova se do ta kaloja rrugën shpejt, para se të vinte BMV që ishte mjaft larg”.

Kjo është deklarata që Preng Ndreca u ka dhënë hetuesve të policisë së Shkodrës të cilët po merren me zbardhjen e aksidentit të rëndë mëngjesin e së martës. Ende nuk ka dalë një konkluzion  zyrtar mbi shkakun, por sot pritet sot gjatë masës së sigurisë ndaj shoferit të kamionit. Ajo që ekspertët pranojnë deri tani, ka të bëjë me faktin se të dy automjetet kanë qenë me një shpejtësi tej limiteve.

Dje qyteti i Shkodrës ishte i tëri në zi. Në shkollat kryesore, aty ku dhe viktimat ishin nxënës,  nuk u zhvilluar mësim. Në orët e pasdites qytetarë, të rinj e të reja I dhanë lamtumirën e fundit, dy prej adoleshentëve, ndërsa për tre të tjerë ceremonia mortore ishte realizuar pasditen e së martës. Mëngjesin e së martës, pesë të rinjtë që po ktheheshin në Shkodrës nga një gëzim në Tiranë, u përplasën me kamionin e druve që vinte nga Puka.

Katër prej tyre vdiqën në vend, kurse adoleshenti i pestë Osman Meraja ndërroi jetën në spital orëve të vona të së martës. Meraja i cili drejtonte edhe automjetin duket se nuk i ka rezistuar dot plagëve të marra gjatë përplasjes me makinë rreth orës 3 të mëngjesit. Të  pestë ktheheshin nga një natë të kaluar nëpër klubet e Tiranes. Ata udhëtonin me një makinë BMË dhe ishin me shpejtësi të madhe. Viktima janë Raelv Duli 17 vjeç, Xheni Anamali 18, Ledio Pirani 18, dhe Orlend Mreca 17 vjeç  dhe  Osman Meraja i cili ndërrojë jetën në spital disa orë pas ngjarjes. Orëve pas ngjarjes u tha se pavarësisht shpejtësisë, të rinjtë nuk ishin shkak i aksidentit. Në vendin e quajtur Kryebushat në kryqëzimin për në Vaun e Dejës, një kamion u ndërpreu rrugën, duke mos i lënë asnjë mundësi për t’u shmangur.  Kamioni ishte ngarkuar me lëndë drusore dhe përplasja ka qenë fatale. Një nga prindërit e të aksidentuarve, nëna e Ralv Dulit ndodhet ende në gjendje të rëndë në spital.

Ngjarja

Ngjarja e rëndë ku humbën jetën katër të rinj dhe një i pestë mbeti i plagosur rëndë, në një aksident rrugor ndodhi rreth orës 03:00 të mëngjesit të së martës. Raelv Duli 17 vjeç, Xheni Anamali 18 vjeç, Ledio Pirani 18 vjeç, dhe Orlend Mreca 17 vjeç po udhëtonin me një automjet tip BMË me targa SH1818D nga Tirana në drejtim të Shkodrës, ku në afërsi të kryqëzimit për në Vaun e Dejës, u përplasën nga një kamion me targa PU1463A, i ngarkuar me lëndë drusore. Drejt vendngjarjes shkuan efektiva të  shumta të policisë, të cilët pasi transportuan pesë të rinjtë për në spitalin rajonal të Shkodrës, nisën hetimet për zbardhjen e shkaqeve të aksidentit. Ekspertë të aksidenteve bëjnë me  dije se shkak  për aksidentin e rëndë me pasojë katër të vdekur dhe një të plagosur është bërë kamioni i cili i ka prerë rrugën automjetit tip BMË me të  cilën po udhëtonin të rinjtë duke mos i lënë mundësi devijimi. Përplasja ka rezultuar fatale për katër adoleshentët e moshës 17- 18 vjeç të cilët humbën  jetën menjëherë, ndërsa më vona ka ndërruar jetë në spital edhe drejtuesi i mjetit, BMV, Osman Merja, 18 vjeç. Nga ana e policisë u bë arrestimi i  drejtuesit të kamionit, Preng Ndreca 43 vjeç, nën akuzën e shkeljes  së rregullave që qarkullimit rrugor me pasojë vdekje.
Infarkt nënës së viktimës

Lajmin tragjik ku Realv Duli humbi jetën së bashku me tre shokët e tij, ka sjellë një tjetër tragjedi në familjen Duli. Zemra e së ëmës së 17-vjeçarit, nuk ka mundur të durojë lajmin e humbjes së djalit të saj, duke  pësuar atak kardiak. Elvie Duli është shtruar në reanimacionin e spitalit të Shkodrës, ndërsa sipas mjekëve gjendja e saj është kritike, pasi ka pësuar vdekje klinike. Tre vite më parë Elvie Duli, kishte humbur bashkëshortin, ndërsa mëngjesin e së martës humbi dhe të birin. Familja Duli përbëhej nga 4 pjesëtarë, ndërsa  Anisa është vajza e vogël e shtëpisë e cila po përjeton jo vetëm humbjen e të vëllait në aksidentin tragjik, por edhe frikën se mos edhe nëna e saj e braktis.

Bashkia:  22 tetori ditë zie
Ndarja e parakohshme nga jeta e katër të rinjve në një aksident tragjik, ka tronditur thellë banorët e qytetit të Shkodrës dhe jo vetëm. Kjo ka  bërë që Bashkia Shkodër ta shpall ditë zie 22 tetorin, ndërsa ceremonia mortore do të zhvillohet në orën 16:00, ku katër të rinjtë do të përcillen në banesën e fundit. Shpallja si ditë Zie erdhi pas një vendimi të dhënë nga kreu i Bashkisë Shkodër, për shkak të lajmit kobshëm ku katër të rinj humbën jetën dhe një i pestë ndodhet në rrezik.

Edi Rama ngushëllon familjet e viktimave 

Kryeministri Edi Rama ka ngushëlluar dje familjet e katër të rinjve që humbën jetën në një aksident tragjik në orët e para të mëngjesit të ditës së martës. Rama është shprehur se do të jetë i vendosur për të marrë të gjitha masat në vijimësi për të shmangur tragjedi të tilla.

Më poshtë komenti i Ramës në Facebook:

“Janë rrokullisur drejt së përtejmes, shumë më shpejt se vrapi i makinave që i sosi frymën, jetët e katër djemve të rinj nga Shkodra, që zhytet në zi me vuatjen e katër familjeve, të cilat nuk ka fjalë t’i ngushëllosh. Por, unë dua të shpreh, në radhë të parë, si prind hidhërimin tim tejet të thellë për tragjedinë, që mori katër jetë të reja. Si përfaqësues i shtetit shqiptar, dua të shpreh vendosmërinë për të marrë në vijimsi të gjithë masat e nevojshme, që do të parandalonin, deri aty ku është e mundur, tmerre të tilla dhe aksidentet rrugore, që vazhdojnë të jenë kërcënimi më i madh për jetët e qytetarëve tanë. Durim e forcë paçi, dua t’u them si bashkëqytetar katër familjeve. Qoftë i ndritur vendi e kujtimi i djemve tuaj.”