Kryeministri Edi Rama ka qenë sot në Njësinë numër 5 ku ka pirë kafen e mëngjesit i rrethuar nga dhjetëra banorë.
Ndonëse kryeministri iu tha se nuk është miting, banorët janë afruar për ta dëgjuar, e nuk kanë munguar batutat e shumta.
Mes të tjerash Rama është njohur me një administrator pallati, me nofkën “Sadami”.
Ai i ka treguar kryeministrit se është zgjedhur administrator nga asambleja e pallati dhe se të gjithë i binden dhe nuk i thyejnë urdhrat.
Administratori i ka treguar kryeministrit edhe si e ka marrë nofkën “Sadami”.
“Punoja tek RENEA, e merresha me të gjithë rrugeçërit e Tiranës. Unë aty shkoja në operacione, futesha i pari, ndaj ma vunë Sadami”, th ai.
Ndërsa Rama është shprehur i habitur nga mënyra e funksionimit të njësisë dhe zonës me administratorin “Sadami”, Majko i ka kujtuar se jeton në fshat.
Rama: Po të binden banorët.
Sadami: Po të gjithë pa përjashtim. Vendimet i merr Asambleja.
Majko: Ti tani jeton në fshat nuk i merr vesh këto gjëra.