Rama: Pas LSI-së, koalicioni do zgjerohet akoma

Partia Socialiste prezantoi sot në qytetin e Elbasanit, programin e saj “Për një Rilindje Shqiptare. Kryesocialisti Edi Rama siguroi mbështetësit e PS-së se aleanca parazgjedhore me LSI-në do të bëjë të mundur mbrojtjen e votës më 23 qershor. Lideri i opozitës tha se koalicioni opozitar do të forcohet edhe më tej, ndërsa nënvizoi se zotimet dhe parimet e programit të PS-së nuk do të lëvizin asnjë presje.

“Sot jemi koalicion më i madh, bashkimi ynë me LSI ka ndryshuar vetëm një gjë. Sot vota e fitores sonë është më e mbrojtur nga vjedhja, ndërsa Saliu dhe familja e tij janë më të vetmuar në humbjen e tyre. Por koalicioni ynë do të jetë më i madh deri ditën kur do të regjistrohet për të hyre ne zgjedhje.”- u shpreh Rama.

Shefi i opozitës akuzoi kryeministrin Berisha për keqqeverisje dhe kapje të institucioneve të shtetit, ndërsa shprehu shqetësim për rritjen e kriminalitetit në vend, duke përmendur ngjarjet tragjike të 24 orëve të fundit, të cilat regjistrojnë 5 viktima, të gjitha femra.

“Në harkun e më pak se 24 orëve, 5 gra kanë humbur jetën. Kjo është Shqipëria që ne kemi, Shqipëria qe ne duam të rilindim. Kjo është Shqipëria të cilën në vitin 2005 Saliu dhe PD e morën duke i treguar duart e pastra, tek të cilat fatkeqësisht pati shumë njerëz që besuan, ashtu sikundër marrja e Shqipërisë nga ato duar u bë e mundur, sepse duart tona nuk ishin të bashkuara. Qysh atëherë kur Shqipëria regjistronte 8250 krime në vit, krimi ka marrë përmasa alarmante. 20688 krime vitin e shkuar.”- u shpreh Rama.

Sipas kryesocialistit, “policia e shtetit është një trupë e çoroditur e cila mbron qeverinë nga populli ndërsa kupola e Ministrisë së Brendshme funksionin si pikë ndërlidhjeje me krimin.”

Lideri i opozitës Edi Rama tha se me koalicionin e ri me LSI-në, vota e fitores së socialistëve është më e mbrojtur.

“Sot ne jemi një koalicion më i madh, bashkimi ynë me LSI-në ka ndryshuar vetëm një gjë, sot vota e fitores sonë është më e mbrojtur nga vjedhja. Saliu dhe partia e tij familjare janë më të vetmuar në humbjen e tyre”, – tha Rama para të pranishmëve.

Shefi  i opozitës deklaroi se do deri më 23 qershor, kur vendi do të shkojë në zgjedhjet e përgjithshme parlamentare, koalicioni i socialistëve do të zgjerohet edhe më.

“Koalicioni ynë do të jetë edhe më i madh deri ditën kur do të regjistrohet për betejën. Angazhimet tona të programit për një rilindje shqiptare, vlerat, parimet dhe zotimet e këtij programi nuk kanë lëvizur as edhe një presje”,- tha Rama.