Kryetari i Partisë Socialiste Edi Rama ka zhvilluar takime me banorët e komunës së Zall bastarit. Çështja e arsimit e transportit e zhvillimi i fshatit në përgjithësi kanë qenë temat për të cilat kreu i PS ka diskutuar me banorët. Në fjalën e tij ai theksoi se shkalla e analfabetizmit arrin në 5 përqind, më e lartë se katër vite më parë shifër kjo e papranueshme sipas tij për një vend europian.
“Analfabetizmi shtohet vit pas viti, sot shifrat thonë që ka shkuar 15%. 15% analfabetizëm në mes të Europës është një tmerr. Dhe nga ana tjetër jemi përballë faktit që rrënimi vazhdon dhe nuk ka prespektivë. Ndërkohë që flasim për BE-në, çfarë do jenë nesër të gjithë këta fëmijë që rriten në këto situata si qytetarë t ëBE-së dhe me çfarë dijesh do të përballojnë BE-në. Ne nuk duam që nesër fëmijët e sotëm të zonave rurale të Shqipërisë të jenë çirak në BE por duam që të jenë qytetarë me dije të mjaftueshme për të përballuar sfidën e hapjes”, tha Edi Rama, kryetar i PS.
Sipas Edi Ramës është e papranueshme që 20 km larg Tiranes femijet braktisin shkollen sepse s’ka transport dhe prinderit jetojne zhgenjimin te mbytur ne borxhe. Kreu i Partisë Socialiste deklaroi se qeverisë i takon të garantojë mbështetje për familjet që jetojnë në fshat duke ulur kostot e prodhimit por dhe duke mbështetuur fëmijët e tyre duke lehtësuar qasjen ne arsim.