Rama: Shumë biznesmenë i gjeta në gropë, ose të lidhur pas pemës

Në mbledhjen e kësaj të mërkure të Këshillit Ekonomik Kombëtar, Rama deklaroi se klima e biznesit në Shqipëri “do të përmirësohet edhe më shumë pasi të miratohet reforma në drejtësi”.

Modeli i ri ekonomik, siç ka theksuar Rama kërkon zbatimin e disa reformave themelore si ato të energjisë, administrativo-territorialja, e pensioneve, por “mbi të gjitha ka nevojë për miratimin e reformës në drejtësi, siç e ka përcaktuar edhe Fondi Monetar Ndërkombëtar”.

Kreu i ekzekutivit njoftoi gjithashtu se qeveria po punon edhe për ngritjen e një institucioni, që do të funksionojë si avokat i biznesit.

Është e lehtë të kritikohet qeveria si penguese e biznesit, por kjo është qeveria më probiznes, theksoi ai, teksa ka kujtuar se kur erdhi në pushtet, shumë prej të pranishmëve i gjeti “në gropë, ose të lidhur pas pemës”.