Rama: S’bëjmë fushatë me taksën, rishikojmë atë progresive. Me programin e PD-së, falimenton shteti

Kryeministri Edi Rama ka deklaruar sot se socialistët në fushatën për zgjedhjet e 25 prillit 2021, nuk do të bëjnë asnjë propozim për taksën.

Rama tha se PS do të vijojë me taksimin progresiv, që sipas tij, takson më shumë, atë që paguan më shumë.

“Përsa i përket taksës, ne s’bëjmë fushatë me taksën. Ne do të vijojmë atë që kemi thënë në fillim, kush fiton më shumë, paguan më shumë. Meqë ne jemi të akuzuar si qeveria dhe forca që mbron oligarkët, ne nuk do t’i lemë në asnjë mënyrë 500 e 30 mln dollarë që të jem i saktë, që të mbeten në xhepat e kompanive të mëdha apo oligarkëve siç i quajnë këta. Ne si lemë 530 mln dollarë që janë aty për t’i investuar në shkolla e rritje pagash e pensionesh që të kthehen mbrapsht siç ndodhte para se ne të vinim në qeveri, në xhepat e më të pasurve. Shëmbëlltyra e lidershipit të PD, pa shtyllë kurrizore. Këto që thonë këta janë të pabëshme, se do falimentonte shteti, por ata nuk do të vijnë në pushtet”, tha Rama.

j.l./ dita