21 Janari, Rama: S’do gjej paqe derisa të ndëshkohen urdhëruesit e vrasjeve

Edi Rama u pergjigjet edhe skeptikeve, te lekundurve dhe atyre qe u zhgenjyen nga aleanca me LSI per ceshtjen e 21 janarit. Premtimi i tij ishte se do te çonte para drejtesise jo me vetem per ata qe terhoqen kembezen dhe ende jane te lire nga gjykata, por edhe per urdheruesit. Fjala eshte per Berishen dhe Bashen. Piramida shteterore e njeh se Komandanti i gardes merr urdher vetem direkt nga Kryeministri dhe Ministri i Brendshem. Rama ka premtuar publikisht nga Konventa se nuk do gjej paqe pa ndeshkuar urdheruesit e vrasjeve te 21 janarit.

“21 janari është çështja që do të vendosë në themelet e drejtësisë të drejtën. Ne nuk do gjejmë paqe derisa vrasësit dhe urdhëruesit e vrasjeve të shkojnë përpara drejtësisë”, ka theksuar Rama, i cili ka premtuar edhe rivendosjen e rendit në vend.

“300 ditë na duhen, do ta zmbrapsim krimin, do ta kthejmë andej nga ka dalë dhe do të vendosim përballë shqiptarëve një polic dinjitoz në shërbim të shtetit”, ka shtuar Rama.

Mbyllet Konventa, Rama: Ja si do të qeverisim pas 23 qershorit

Nën moton “Bashkë për një fitore plebishitare” nisi sot rreth orës 16:00 dita e dytë e Konventës Zgjedhore të Partisë Socialiste.  Gjatë punimeve të sotme u prezantua në detaje programi 4-vjecar për një “Rilindjes Kombëtare”.

Punimeve të ditës së dytë të Konventës Kombëtare të Partisë Socialiste u parapriu konferenca për shtyp e kreut të PS-se, Edi Rama, i cili e cilësoi këtë program si më të detajuarin që kjo forcë politike ka hartuar ndonjëherë në historinë mbi 20-vjecare të saj.

“Sot është dita e dytë e Konventës zgjedhore që i kushtohet programit më të detajuar që një forcë politike ka pasur këto 20 vjet të ballafaqimit zgjedhor. Është një kontratë qeverisëse me popullin shqiptar dhe sot i ftoj të gjithë ta ndjekin shpalosjen e sintezës së programit dhe ndërkohë padyshim në ditët në vijim për të vënë në dispozicion qytetarit librin e programin. Pala tjetër nuk ka program, i rikthehet gjithnjë vetvetes dhe bën kate shtesë pa leje me pjesët e kopjuara prej nesh, ndërsa ne e kemi të qartë se çdo bëjmë në 4 vitet në vazhdim. Programi ynë është alternativa e taksimit të ndershëm që parashikon uljen e taksave për 95 % të shqiptarëve, është alternativa e shëndetësisë falas për të gjithë ata që kanë nevojë, është alternativa e rilindjes së fshatit të braktisur”, theksoi Rama.

“NË ‘BETEJË’ JO PËR VETEN, POR PËR NJERËZIT E ZAKONSHËM”
Kryesocialisti Edi Rama në mbyllje të Konventës të PS-së që zhvilloi punimet përgjatë dy ditëve (19-20 maj) në Pallatin e Kongreseve në Tiranë, iu drejtua në mënyrë të vecantë njerëzve të thjeshtë, që nuk merren me politikë, pasi sipas tij ky është dhe thelbi i ‘betejës’ së socialistëve. Rama, theksoi “pas një muaji vendoset e ardhmja e vendit”.

“Një muaj nga sot shqiptarët do të votojnë për të vendosur për të ardhmen e këtij vendi. Do të votojnë nëse do të qëndrojnë kështu duke e lënë vetën në inercinë e rrugës së rrënimit, me këtë qeveri pavarësisht skandaleve dhe dështimeve, gënjeshtrave dhe korrupsionit apo nëse me votën e tyre, do të ndryshojnë rrugën e vendit dhe të jetës së tyre duke hapur shtegun e një rilindje për një të ardhme me shpresa, apo për 4 vite të tjera si këto ,për një fillim të ri apo për të vijuar avazin e vjetër. Në këtë sallë, ne e dimë sesi do votojmë. Gjithkush këtu do të votojë, PS, sepse ne të gjithë jemi të përkushtuar ndaj vizionit dhe kauzës sonë të përbashkët. Ne gjithë jetojmë, hamë, pimë, tresim dhe flëmë dhe ngrysemi me politikë. Ne do të luftojmë më gjithë vullnetin dhe energjinë tonë që përmes politikës të biem ndryshimin që ky vend meriton dhe ti japim shqiptarëve ‘rilindjen’ që duam. Por, duke u afruar data mes zhurmës dhe entusiazmit të fushatës, mes zotimeve dhe kundra zotimeve, pretendimeve të njërës pale dhe palës tjetër, mes flamujve të njërit kamp dhe të kampit tjetër, ne nuk duhet ta humbim arsyen themelore pse quhemi Partia Socialiste e Shqipërisë, kjo arsye nuk ka të bëjë me ne, por me njerëzit që nuk hanë dhe nuk jetojnë për politikën. Me ata që në mëngjes dalin për të shkuar apo për të kërkuar punë, me ata që gdhihen me ankthin se cfarë do të gatuajnë për fëmijët e tyre, që nuk cojnë fëmijët në shkollë dhe ata që nuk kanë një rrogë se nuk kanë punë. Me ata që janë kocka, mishi gjaku dhe trupi, truri i këtij vendi, me njerëzit e zakonshëm. Njerëzit që do të vendosin nëse do na e japin apo jo votën dhe do të na ngarkojnë me përgjegjësinë për tu hapur rrugën e rilindjes duk u dhënë energjinë, përkushtimin dhe eksperiencën që ne kemi për ta. Sigurisht është e lehtë të jesh lideri mes njerëzve të tu. E lehtë të flasësh dhe të lëshosh mesazhe familjare duke rëndit që të gjithë i dini përmendësh. Por këtu sot, nuk dua ti mbetet hatri askujt. Dua të mos flas për ju, por sot dua të flas për ata që jetojnë jetën jashtë rruzullit të politikës. Ata që janë arsyeja pse dhe ne jemi këtu së bashku, për ata që duhet të na japin mbështetjen dhe ata që ne kemi detyrimi ne madh ti nxjerrim nga rruga e mungesës së shpresës , pamundësive, papunësisë dhe braktisjes socialiste, për ata që ne kemi detyrimin nga e vetmja ëndërr që të lënë Shqipërinë për një jetë më të mirë, dhe ti japim mundësinë bashkë me ne të shohin një ëndërr shqiptare që mund dhe do e realizojmë bashkë ne vendin tonë. Dua që ky të jetë rregulli themelor i fushatës, ne nuk jemi në këtë beteje për vete, por për njerëzit e zakoshëm të këtij vendi”, theksoi Rama.

Kreu i PS-së, duke i falënderuar për mbështetjen i bëri thirrje socialistëve që bindin qytetarët se të bashkuar Shqipëria mund të behet një vend më i mirë.

“Ju të gjithë socialistë dhe progresistë me jepini kënaqësinë të jem i mbështetur por ju nuk jeni këtu për mua, por për njerëzit e zakonshëm të vendit tonë që kemi detyrimin tu provojmë se politika është ai instrument që mendja njerëzore shpiku që gjërat bashkë bëhen me mire se vetëm. Ne të gjithë sa jemi e dimë që Shqipëria mund të bëhet një vend më i mirë, për të gjithë ata njerëzit e zakonshëm. Unë besoj se nga këto momente, do e merrni pushtetin për vete dhe nga nevoja për të ngrohur këto zemra jemi këtu në këtë beteje. Nga nevoja për të cuar dritën e shpresës në këto mendje të lodhura”, theksoi Rama.

Kreu i PS-së, theksoi se 23 qershori është ‘betejë’, mes dy të kundërtave. Mes politikës e përkushtuar për pushtet, dhe politikës për njerëzit.
“Kjo nuk është një betejë, mes dy të njëjtave, mes dy anëve të një medalje, por beteja e Shqipërisë të së shkuarës dhe të së ardhmes. Betejë mes dy botësh, mes botës politike, e përkushtuar tek zgjatimi për pushtet, dhe botës së një politike që dëshiron të shkëputet për tu bashkuar me botën që politikës për njerëzit. Me një botë që është mes nesh megjithëse nuk e kemi prekim në Shqipërinë tonë, që quhet familja e Evropës së bashkuar”, nënvizoi Rama.

“PROGRAMI I RILINDJES, PROGRAMI MË CILËSOR PËR TË GJITHË SHQIPTARËT”
Kyetari i Partisë Socialiste Edi Rama vlerësoi sot programin “Rilindjes”, si një program cilësor për të gjithë shqiptarët.
“Ky, vijoi ai, nuk është programi elektoral i radhës, por është një program ndryshimi, një kontratë me popullin shqiptar. Kjo është rruga me të cilën ne i propozojmë shqiptarëve të dalin nga rruga e rrënimit dhe të fillojnë rrugën e rilindjes kombëtare, dhe skuadra jonë është skuadra më e mirë për të realizuar këtë mision”, nënvizoi Rama, duke mbyllur fjalën e tij.

“PS PARTIA E 95% TË NJERËZVE, PD PARTIA E 5 % TË NJERËZVE”
“Pala tjetër thotë se ne kemi dyfishuar rrogat e mësuesve dhe cdo mësues duhet të jetë i lumtur të na votojë. Por sot është fakt se gjithë mësuesit dhe rrogëtarët e dinë se cka marrin nuk iu del të blenë cka blenë. E dinë që rrogat janë dyfishuar por jeta është shtrenjtuar shumë me tepër, ndërkohë ne u themi mësuesve dhe mjekëve, infermierëve dhe policëve dhe rrogëtarëve, se ka një gjë tjetër për tu bërë. Rritja e rrgoës në mënyrë hileqare, me rritje inflacioni dhe rritje cmimeve, nuk është zgjidhje por hile. Zgjidha fillon nga ndryshimi i sistemit të tashmit. Jo më taksë e sheshtë, ku mësuesja paguam më shumë se ministri i Arsimit. Taksimi i ndershëm do thotë kush fiton më pak paguan më pak taksa, kush fiton më shuam paguan më shumë.

Për ata mjafton që të jetojnë mirë vetë bashkë me një grusht njerëzish , por ne duam të ulim taksat për 95 % të shqiptarëve. Ato janë partia e 5 % të njerëzve”, tha Rama

TAKSAT E BIZNESIT TË VOGËL, BERISHA PROPAGANDË FASHISTE-KOMUNISTE PËR TË NGULITUR NË MENDJE TË PAVËRTETA
Kur keni qenë në Bashki taksat janë rritur? Është e vërtetë që taksat e sipërmarrjes së vogël , e të vetëpunësuarve janë rritur, por kush i rriti?! Taksa e biznesit të vogël në 2007, taksë që Sali Berisha (më falni që i përmenda emrin se kisha vendo mor me ja përmend) …erdhi pas një ulje në 2006. U premtua nga kundërshtarët tanë në 2005 se do e përgjysmojnë, e përgjysmuan në 206 dhe 2007 filloi me taksë të përgjysmuar, por pasi e përgjysmuan i vunë biznesit të vogël taksën e tatimit mbi fitim. Dhe pas 1 viti i vunë dhe TVSH. Me propagandë gënje, gënje, gënje, deri sa të binden, do që të na bindë se ka shtruar mijëra kilometra rrugë, që të ngulë një të pavërtetë përmes propagandës, tipike fashiste, komuniste si të doni quajeni. E vërteta është se biznesi i vogël paguan 3 herë më shuma taksa, jo se ja rriti Bashkia e Tiranës, por qeveria e korruptuar e Tiranës. Cfarë do bëjmë ne. Do heqim taksën e biznesit të vogël, do përgjysmojmë tatimin mbi të ardhurat”, premtoi Rama.

“INTEGRIMI I SHQIPËRISË NUK KA MBETUR TEK 3 LIGJET”
“Ka fatkeqësisht jo pak njerëz që besojnë në përrallën që integrimi i Shqipërisë në BE ka mbetur të ato 3 ligje. E vërteta është se cdo shqiptar i arsyeshëm e di shumë mirë cka e dallon Shqipërinë tonë nga Evropa. Ashtu sikundër na e ka thënë qartë vetë Evropa. Na duhen zgjedhje të lira dhe të ndershme, zgjidhim cështjen e pronës, një administratë në shërbim të shtetit jo si kazermë, nga ku dalin zyrtarët rresht në mitingje. Na duhet të luftojmë krimin dhe korrupsionin, na duhet ligjshmëri, trajtim i drejtë dhe i barabartë për të gjitha pakicat”, tha Rama.

“STRATEGJI TË PËRBASHKËT ME QEVERINË TË KOSOVËS”
Si do integroni Kosovën, kur ju nuk jeni integruar vetë?
“Shkurt na duhet shtet jemi ne socialistët që kemi qasje për rolin që Shqipëria duhet të marrë në funksion të bashkëpunimit me Kosovës. Bashkë me qeverinë e Kosovës do të ulemi për një strategji të përbashkët pe energjinë, për arsimin, që nga klasa e parë deri në fund të studimeve shqiptarët në Shqipëri dhe Kosovë të kenë të njëjtin sistem dhe të jetojnë në të njëjtën hapësirë strategjike dhe arsimore, strategji të përbashkët për turizmin, zhvillimin rural dhe prodhimet shqiptare. Strategji të përbashkët për marrëdhëniet kulturore dhe sportive për këtë hapësirë”, theksoi Rama.

“ZGJEDHJE MES RRËNIMIT DHE RILINDJES”
“Më 23 qershor, nuk është një zgjedhje me cka jemi në emër të së shkuarës, në vijmë nga e majta apo e djathta. Nuk është zgjedhje me gjyshin nëse ka qenë me ballin apo nacional çlirimtaren, por
është një zgjedhje mes rrënimit dhe rilindjes”, përfundoi Rama.

VASILIKA HYSI: PARTNERITET ME BIZNESIN
Vasilika Hysi prezantoi programin për rimëkëmbjen e biznesit, ku ndër të tjera foli për:
Partneritet të ri me biznesin, klimë lehtësuese.
Heqja e taksës së biznesit të vogël.
Heqja e referencave aktuale në dogana e tatime.
Modelim të zinxhirti që bën të mundur rimbursimin e TVSH.
Stabilizim i administratës doganore dhe tatimore.
Konsultim real me komunitetin e biznesit.

SAIMIR TAHIRI: DO RIMEKEMBIM POLICINE E SHTETIT
Në prezantimin e programit për policinë, Saimir Tahiri u shpreh se që në 300 ditët e para të qeverisjes do të rimëkëmbet Policia e Shtetit.
Pas 23 qershorit rikthejmë paqen shoqërore, garantojmë sigurinë e jetës.
Në 300 ditët e para rilindim policinë e shtetit, pastrojmë shoqërinë nga armët.
Profesionistet në detyrë dhe të larguar do vlerësohen, do pastrohet policia nga militantët dhe të paaftët.
Do rishikojmë kuadrin ligjor dhe do rrisim pagat e policisë.
Do strehojmë familjet, arsimojmë familjet e policëve të rënë në krye të detyrës.

SHALSI: DO MARRIM NËN KONTROLL PASURITË KOMBËTARE
Deri më sot i ka shfrytëzuar në mënyrë barbare pasuritë natyrore, dhe përfituesin ka qenë vetëm një klikë afër pushtetit.
Prioriteti ynë:
Vendosja dhe marrja nën kontroll e të gjithë pasurive shqiptare.
Do i japim fund kontrabandës së naftës dhe evazionit në tregti me pakicë të naftës.
Do të rishikojmë të gjitha koncesionet.
Do të afrojmë paketa financiare apo fiskale për të tërhequr investitorë serioze me reputacion kombëtarë.
Shqipëria ka të gjithë mundësitë për të shfrytëzuar të gjithë pasuritë kombëtare.
Ky është misioni ynë që do e bëjmë realitet pas fitores së 23 qershor.

BESNIK BARE: KOMUNIKIM ME PUBLIKUN DHE TRANSPARENCË ME TË
Duke kujtuar përmbytjet në Shkodër, Besnik Bare premtoi se PS do të bëjë:
Ndalimi i eksporti të lëndës drusore.
Rehabilitimi i pyjeve të zonave të mbrojtura.
Përfundimi brenda mandati të parë i trajtimit të ujërave të zeza në zonat bregdetare.
Zbatimi i ligjit dhe forcimi i kapaciteteve profesionale.
Komunikim me publikun dhe transparencë me të.

AURON TARE: REFORMA PËR TRASHËGIMINË KULTURORE
Tare vuri theksin tek problemet më trashëgiminë kulturore duke premtuar se PS do kryejë me programi e saj:
Reforma për menaxhimin, studimin dhe promovimin e trashëgimisë kulturore.
Do krijojmë legjislacion modern për ruajtjen e pejsazheve historike.
Do krijojmë dhe menaxhojmë projekte të lidhura ngushtë me pushtetin vendor.
Turizmi do konsolidojë Shqipërinë duke e kthyer në zinxhirin rajonal.

BALLA: FITORE KUNDËR KORRUPSIONIT DHE PANDËSHKUESHMËRISË
Deputeti Taulant Balla premtoi se programi “Për një rilindje shqiptare” do i japë zgjidhje
Kulturës së pandëshkueshmërisë. (Janë zhdukur 1.2 miliardë dollarë)
Do i kthejmë publikut cdo pasuri të fituar me korrupsion
Ndëshkim cdo shkelësi të ligjit
Transparencë për cdo koncesion
Goditje të korrupsionit dhe krimit fiskal
Rilindje për Shqipërinë dhe fitore kundër korrupsionit

PRONAT, GJIKNURI: NUK DO EKZITOJË MË TERMI ISH-PRONAR
Damian Gjiknuri duke sjellë në vëmendje cështjen e pronave, akuzoi vajzën e kryeministrit Argita Berisha teksa premtoi zgjidhje përfundimtare, pasi sot sipas tij qytetarët përballen me dy zgjidhje:
Të presin pafund certifikatën e pronës ose të japin 50% të pronës për certifikatën.

Angazhohemi se:
Nuk do ekzitojë termi ish-pronar
Do evidentojmë pronat publike që fshihen në zyrtaret e ministrive
Procesi i privatizimit të pronave
Në fund të mandatit të parë do përfundojmë procedurat për ndërtimet pa leje ( 800 dosje)
Për pronat si publike dhe private, siguri dhe qetësi

EMONELA FELAJ: DO PASTROJMË DREJTËSINË NGA CDO SHËRBËTOR PUSHTETI
Angazhohemi:
Drejtësi e pavarur
Shteti do sigurojë sipërmarrjet
Drejtësi që krijon akses të plotë pa barriera
Drejtësi që funksionon dhe zbaton ligjin
Do clirojmë drejtësinë nga presioni për interesat politik dhe korruptiv.
Do e pastrojmë nga cdo shërbëtor pushteti

EGLANTINA GJERMENI: SHËRBIME UNIVERSALE PËR FËMIJËT
Ripërtëritja e shoqërisë fillon tek fëmijët edhe familja
Angazhohemi
Shërbimet universale për fëmijët
Drejtësi sociale
Strehim për jetimët që aktualisht janë të papunë dhe të pastrehë
Fond kombëtar për shërbimet sociale
Dhënie përgjigjie përfundimtare e regjistrimit të fëmijëve rom dhe egjiptian

MILENA HARITOS: SHQIPËRIA DIXHITALE
Programin tonë duhet të fillojmë tek të rinjtë
Paisje personale me tableta për cdo nxënës shkolle brenda mandatit të parë.

ERiON VELIAJ: SHKOLLA TË HAPURA GJATË GJITHË KOHËS
Shkollat të hapura gjatë gjithë kohës për tu përdorur nga komuniteti për veprimtari artistike dhe kulturore.
Kjo do jetë qeveria e parë që e ka kthyer cështjen e sportit me rëndësi.
Do krijojmë qëndrën e parë olimpike për ata që janë të pasionuar.
Do clirojmë klubet sportive, që rezultati të përcaktohet nga loja dhe jo kompanitë e basteve.

OLTA XHACKA: JA PLANI YNË PËR FEMRAT
Gratë dhe vajzat vuajnë diskriminimin dhe dhunën në familje dhe akses të pakët në zyra.
Cdo grua e papunë, duhet të votojë për PS, në mbështetje të zotimit tonë për të fuqizuar gratë dhe vajzat përmes punësimi dhe kualifikimit profesional të tyre
Cdo nënë dhe grua duhet të në na votojë duke siguruar ne shërbimin e lindjes dhe shërbimet publike në mbështetje të mirëqenies së fëmijëve.
Skemë rimbursimi për gjyshet.
Vajzat e reja që jetojnë jashtë, bashkë do ndërtojmë stinët për të jetuar Evropën në vendin tonë.

GAZMIR BIZHGA: ‘RILINDJE’ SEKTORIT TË PESHKIMIT
Do i japim fund peshkimit me lëndë plasëse.
Masa për rrojtjen e resurseve.
Tregjet ë hapura me standarde më tregtimit me shumicë të këtij prodhimi.
Infrastrukture portuale të ankorimit.
Rritjen e kushteve veterinere sanitare.
Do rihapim degët në shkollar profesione për këtë sektor.
Do heqim taksën e qarkullimit për mjetet e peshkimit.
Do heqim TVSH dhe akcizën për karburantet për mjetet e peshkimit
Heqim TVSH për paisjet e peshkimit që qeveria nuk e bëri në 8 vjet.

ARTAN LAME: DO NDËRTOJMË AUTOSTRDËN E PARË SHQIPTARE
Do e lidhim Shqipërinë me 5 akset kryesore në standard dhe aks të vetëm, për të integruar veriun me jugun
Do ndërtojmë korridorin e kaltër
Do mbarojmë e rrugën e Kombit, që po shkërmoqet gjatë gjithë gjatësisë së saj
Rruga e Arbrit do e mbarojmë këtë rrugor
Do mbarojmë rrugën Egnatia
Do të ndërtojmë autostradën e parë shqiptare

ILIRJAN CELIBASHI: KANAL TELEVIZIV PËR KUVENDIN
Kuvendi do fitojë funksioni e tij Kushtetuese.
Respektim i afateve për interpelancë me kryeministrin do jetë norme për qeverinë socialiste.
Kuvendi i Shqipërisë do e bëjë procesin e ligjvënies transparent.
Hapja e një kanali televiziv për veprimtarinë e Kuvendit.
Cdo shpenzim publik do jetë transparent.