Kuptohet lehtësisht se Edi Rama,
mbasi përgjigje nga Venecia mori,
s’e preokupon shkarkimi i Metës,
sa legjitimiteti i Tridhjetë Qershorit!
Komisioni thotë se Presidenti,
të drejtën kushtetuese ka tejkaluar,
nëse Dekreti i tij do zbatohej,
Tetëqindmijë njerëz do mbeteshin pa votuar!
Po dhe Komisioni i Venecias,
të drejtën e tij e ka tejkaluar,
pesha e tejkalimit të së drejtës,
me çfarë instrumenti është peshuar?!
Nuk e dimë-Kuvendi Popullor,
çfarë përgjigjesh Komisionit i ka kërkuar,
a i ka kërkuar që të shprehet,
duhet shkarkuar-apo nuk duhet shkarkuar?!
Ligjshmëria e Tridhjetë Qershorit,
nga Venecia është certifikuar,
dhe shkarkimi i Ilir Metës,
në plan të dytë tani ka kaluar!
S’e dimë ç’do të bëjë Komisioni Parlamentar,
gjer në fund procedurën a ka për ta çuar,
se shkelja e Kushtetutës nga Meta,
nuk është aq e rëndë sa për ta shkarkuar!
Thamë se s’e dimë nëse Kuvendi ynë,
përgjigje shteruese i ka kërkuar,
nëse po-Komisioni Meta,
punën e tij mund ta quajë të përfunduar!
Jo se Tedi Blushi thotë,
se zero shkelje Meta ka konsumuar
po se shkelja e Kushtetutës,
nuk është aq e rëndë sa për ta shkarkuar!
Zoti Meta me zëdhënësin e vet,
nga e njëjta dorë sikur janë kurdisur,
dhe fjalën “kristal” si epitet,
këto kohë e kanë telendisur!
Gjithmonë opinionet janë subjektive,
kjo është një aksiomë që njihet mirë,
dhe në përfundimet deçizive,
ajo që ty të duket si kristal-atij tjetrit i duket si qymyr!
Ne e kemi thënë që në fillim,
se socialistët Metën nuk do ta shkarkojnë,
por gjithmonë si superlëshim,
do t’ja kujtojnë edhe rikujtojnë!
Për shkarkimin e tij s’kanë më interes,
dhe këtë s’e them vetëm unë,
se si Kryetari i ardhshëm i LSI-së,
është i vetmi që Edi Ramës mund t’i hapi punë!
Më vjen të qesh me Kryemadhin,
kur thotë se LSI-në Metës s’ja lëshon,
se Meta kryetarkën e tanishme,
vetëm për pesë sekonda e fluturon!
Në LSI do këndojë bilbili:
“Mirë se u ktheve shoku Ilir Meta!.”,
se Ilir Meta s’është Petrit Vasili,
një simbol i peshave të lehta!
A.DUKA