Fatura reale që shteti shqiptar duhet të paguajë nga buxheti i shtetit për vendimet e gjykatave ndërkombëtare ka arritur 388 milionë euro në fund të vitit 2020, evidentoi Kontrolli i Larte i Shtetit (KLSH) në një raport për Kuvendin e Shqipërisë.
Shteti shqiptar ka qenë i paditur në gjykatat e huaja ndërkombëtare dhe arbitrazhin ndërkombëtar në 14 çështje gjyqësore.
Nga këto rezulton se janë gjykuar dhe dhënë vendimet për 9 çështje ndërsa 5 prej tyre presin ende të shqyrtohen pranë këtyre gjykatave.
Nga ana e saj, Ministria e Financave dhe Ekonomisë lidhur me detyrimin total të akumuluar për Arbitrazhet Ndërkombëtare raportoi një vlerë prej 109.5 milionë eurosh.
Në raportin vjetor të vitit 2020, nga Ministria e Financave raportohet se vlera e paguar për arbitrazhet më 2020 ishte vetëm 33.3 milion lekë dhe nuk jepet informacion për vendimet në pritje të nxjerrjes së VKM-ve si detyrime kontingjente për buxhetin e shtetit. KLSH raporton se, nga auditimi në këtë Ministri rezulton se ajo nuk ka informacion nga Kryeministria për këto vendime në pritje për pagesë.
Ndërsa në auditimin e kryer në Avokaturën e Shtetit, sa i takon vendimeve të Gjykatës Evropiane për të Drejtat e Njeriut (GJEDNJ), rezulton se deri më 31.12.2020 janë ende të pa ekzekutuara 7 vendime në vlerën 17,956,320 Euro dhe të paktën 1,675,938 Euro kamatëvonesa potenciale, të përllogaritura nga mospagesa në kohë.
KLSH ka konstatuar se për ekzekutimin e këtyre vendimeve, nuk janë zbatuar afatet 3 mujore sipas Ligjit për Avokaturën e Shtetit të ndryshuar.
Duhet te paguajne burokratet e shtetit tone dhe ata qe kane gabuar me urdherat e tyre. Me merret prokuroria ne Shqiperi?
Pse nuk i paguajne keto miliona ata qe jane fajtoret?
Ne se demshperblimet do t’i paguanin fajtoret,kjo jo vetem do vinte drejtesine ne vend,por do t’u tregonte te tjereve,qe ne rast se i beni padrejtesi dikujt do ta paguani vete e jo shteti!
Kjo te jete e vlefshme si per kryeministrin(qe te mos fshihet pas te ashtuquajturit kolegjialitet) e deri tej zyrtasri me i vogel!
Po keshtu edhe per ata eprore qe pushojne nga puna rrogtare te administrates shteterore e bashkiake,qe kur fitojne gjyqet e pushimit nte padrejte nga puna,demshperblimin ta paguaje ai qe e pushoi e jo shteti!