Rreth 4626 shqiptarë u kthyen vullnetarisht nga vendet e Bashkimit Evropian për në Shqipëri, pasi kërkesa për azil iu refuzua në vendet ku kishin shkuar. Të dhënat bëhen me dije nga raporti i Agjencisë së Bashkimit Evropian për Kufirin, FRONTEX. Shqiptarët janë të katërt në listë, ndërsa vendin e parë e zënë ukrainasit, indianët dhe në vend të tretë shtetasit nga Kosova.
Por, shqiptarët zënë vendin e parë, për sa i përket të rikthyerve me forcë. Plot 10 249 persona u doportuan nga vendet anëtare të Bashkimit Evropian, duke shënuar një shifër shumë më të lartë se viti paraardhës. Tabelat më poshtë tregojnë ndryshimet. Në vend të dytë janë ata nga Maroku, ndërsa në vend të tretë janë kosovarët.
Për sa i përket vendimeve të përgjithshme për kthimin, shqiptarët nga Shqipëria zënë vendin e parë me 26 453 persona, ndërsa në vend të dytë janë ukrainasit dhe në vend të tretë kosovarët.
Për sa i përket futjes nëpërmjet dokumenteve të falsifikuara, numri i shqiptarëve që kanë ndjekur këtë metodë sipas regjistrimeve të kryera, është rreth 425 persona. Sigurisht, numri i tyre është i ulët për shkak se shqiptarët mund të udhëtojnë pa viza në zonën Shengen. Në vend të parë janë ukrainasit.
