Në futboll kemi parë vëllezër që luajnë në një skuadër, madje dhe babë e bir që veshin gjithashtu ngjyrat e të njëjtit ekip, por rasti i Rivaldos dhe djalit të tij Rivaldinho është vërtetë unik.
Kampioni i Botës në vitin 2002 me Brazilin, jo vetëm që luajti në të njëjtën skuadër me djalin e tij por gjithashtu shënuan të dy gol në të njëjtën ndeshje.
Në Moshën 43-vjeccare, Rivaldo u rikthye në fushë për të ndihmuar ekipin e tij Mogi Mirim, i së cilit është dhe pronar, për të fituar 3-1 në Serinë B braziliane ndaj Macae, me Rivaldinhon që shënoi dy herë e Rivaldon, që realizoi një herë nga pika e bardhë për rezultatin provizor 2-0.
Ish-futbollisti i Barcelonës dhe Milanit, luan rregullisht prej një muaji duke qenë se skuadra e tij nuk po ecën mirë në kampionat, teksa para suksesit me Macae, mbante vendin e fundit në renditje, raporton “SuperSport”. Në përfundim të sfidës Rivaldo u shpreh i lumtur për faktin, që pa emrin e tij në listën e shënuesve përkrah atij të djalit të tij Rivaldinho.
https://www.youtube.com/watch?v=F5r3jy2iBv4
o gazetar injorant,rast i rralle jo i radhe
O Sonila mos u nxeh se un mendoj se deshte me thene ; rast i rralle ,golat me rradhe ;,