Kanë kaluar 25 vjet nga rënia e komunizmit në Shqipëri e shumëçka ka ndryshuar, por pritshmëritë e qytetarëve nuk janë realizuar.
Ambasadori i OSBE-së në Tiranë, Florion Raunig tha se sfida për Shqipërinë vazhdon në mënyrë të përditshme për të konsoliduar institucionet, të cilat sipas tij, kanë ndikim maksimal në përparimin e mëtejshëm të vendit. Ai tha se 25 vjet mund të mos tingëllojnë shumë në terma historikë, por, në jetën e një individi, 25 vjet janë shumë.
“Kjo mospërputhje mund të jetë një prej arsyeve që nxisin pyetjen me të cilën vijojmë të përballemi edhe sot, pyetjen kuptueshmërish të paduruar: edhe sa duhet? Edhe sa duhet për të përmbushur programin ambicioz, për të përvetësuar kulturën e debatit demokratik, respektimin e shtetit të së drejtës, për të konsoliduar mirëqenien socialo-ekonomike e për të siguruar konkurrencën e ndershme të tregut? Si mund ta përshpejtojmë procesin, në mënyrë që popullsia të fitojë besim në të ardhmen e vendit?”, deklaroi ai.
Gjatë pjesëmarrjes në seminarin “Shqipëria 25 vjet pas komunizmit – Rindërtimi i shtetit dhe shoqërisë”, Ruanig tha se politika dhe media janë përgjegjëse për të ardhmen e vendit.
“Politika dhe media duhet të luajnë një rol udhëheqës: ato janë përgjegjëse për krijimin e klimës së përgjithshme të përshtatshme, ku puna konstruktive dhe e efektshme për të ardhmen e vendit bëhet e mundur”, shtoi ai. /Dita/
Kur te kthehemi nga Kina do e kuptoni se puna e tranzicionit ishte loja. Tani qe u ngopem me demokraturen saliniste do i rikthehemi rilindjes komuniste.
Nuk e besoni? Prisni prisni se s’keni pare gje akoma…
Politika edhe média? Qe Jane shkaktaret kryesore per moçallin ne te çilin jemi?
Po tallen me ne !
Ia u po iu them:filloni te thoni se ky shtyp e kjo kaste politike Jane pergjegjese per kete deshtim!e jo te pris ni qe keta te ndryshojne gje!….
Tallet me ne bashke me ju kjo jashte politikes e kjo média….