Rreth 70 punonjës të Kombinatit Mekanik në Poliçan protestuan dje kundër pushimit të tyre nga puna në mënyrë të befasishme. Sipas deklaratës së grupit të ish-punonjësve, ata janë shkarkuar me motivacionin se u mbyllën vendet e punës. Protestuesit u tubuan para ambienteve të kombinatit, ndërsa tashmë kërkojnë të trajtim të veçantë me pension të parakohshëm, siç parashikon edhe ligji. Ish-punonjësit thanë se do t’i përshkallëzojnë protestat më tej, nëse kërkesat e tyre nuk do të merren parasysh nga drejtuesit e Kombinatit Mekanik të Poliçanit dhe më tej dikasteri përkatës. Edhe më parë, për shkak të reformave, në këtë uzinë ka pasur lëvizje të punonjësve.