Ish-kreu i KQZ-së, Kristaq Kume, shprehet se aktualisht nuk po bëhet një reformë në Kodin Zgjedhor, por vetëm teknikisht ky kod po përshtatet me ndarjen e re administrative.
“Mazhoranca dhe opozita nuk i gjetën dot fjalën e përbashkët për ta realizuar këtë proces, procesin e reformës zgjedhore. Jemi absolutisht larg zbatimit dhe të rekomandimeve të Komisionit të Venecias, që lidhet me faktin që ndryshimet në legjislacionin zgjedhor nuk duhet të bëhen 6 muaj para zgjedhjeve të radhës “, tha Kume për “AS”.
Eksperti për çështjet zgjedhore e sheh bllokues propozimin e kuvendit, që për çdo bashki të ketë 1 qendër numërimi, ndërsa Tirana vetëm 3 të tilla.
“Nëse i gjithë dokumentacioni zgjedhor do të përqendrohet në një vend numërim, fizikisht kam përshtypjen se do të jenë shumë të mëdha për ta administruar procesin. Një përqendrim i tillë i procesit të vlerësimit dhe numërimit të votave në kushtet e këtyre njësive të mëdha që ne kemi, do ta vështirësojë goxha procesin dhe rezultatet do ti marrim me goxha vonesë”, thotë Kume.
Sikur eshte premtuar votim dhe numerim elektronik me duket? Si PD dhe si PS nuk e kane hallin ne rregullimin e kodit ,por si ta bejne kodin me te manipulueshem ne menyre qe te vjedhin me rehat dhe sa me shume . Ky popull leshko nuk e ka kuptuar qe demokracia ne radhe te pare fillon tek fleta e votimit . Ne kete vend duhet kohe per te bere njerezit ne radhe te pare pastaj kodet .