Forcat RENEA do të kenë një repart të posaçëm.

Qeveria shqiptare ka akorduar një fond prej 4.1 milionë eurosh nga buxheti i shtetit si dhe 1.9 mln euro nga Bashkimi Evropian.

Ministri i Brendshëm, Tahiri inspektoi punimet, të cilat janë në fazën e mbylljes.

“Reparti i ri do jetë tërësisht i modernizuar dhe i pajisur me të gjitha pajisjet bashkëkohore për të lejuar jetesën normale të trupave dhe stërvitjen e vazhdueshme, në mënyrë që përgatitja e RENEA-s të jetë gjithmonë në ritmin e standardin e duhur, njëlloj si homologët e kësaj trupe në të gjitha vendet e zhvilluara të Bashkimit Evropian”, sqaroi Tahiri.

I pyetur për Byronë e Hetimit dhe çfarë kishte ndryshuar në draftin e ri, Tahiri nuk preferoi të komentonte, duke synuar që vëmendja të mbetej vetëm tek RENEA.