Përfaqësues të Bundestagut gjerman, deputetë të landeve dhe njëkohësisht nënkryetari i partisë së Merkel në CDU, po zhvillojnë një takim në Gjykatën Kushtetuese.
Zhvillimet në Shqipëri, në kuadrin e të drejtës dhe situatës së reformës në drejtësi, dhe në këtë Gjykatë me mungesë gjyqtarësh, mësohet nga burime të Top Channel të ketë qenë temë e bisedës mes politikanëve gjermanë dhe kreut të Gjykatës Kushtetuese, Bashkim Dedja.
E vetmja që ka kaluar vettingun nga Gjykata Kushtetuese është Vitore Tusha, ndërkohë që dy prej anëtarëve të rojes së Kushtetutës nuk u konfirmuan nga Shkalla e Parë.
Tashmë presin vettingun nga kjo gjykatë edhe gjyqtarët Bashkim Dedja, Gani Dizdari dhe Fatmir Hoxha.
Në faqen e Komisionit të Pavarur të Kualifikimit, për Hoxhën ka nisur numërimi mbrapsht i orës, pasi në orën 11.00 të datës 7 maj ai është në radhë për të dalë para vettingut.
Por, ndryshe nga Xhoxhaj, prokurorja e Apelit, Fatjona Memçaj u rikonfirmua në detyrë, e cila pasi kaloi në filtrat e trefishtë të vettingut rezultoi pa pasuri të pajustifikuara e të fshehura, por me lidhje të përshtatshme dhe aftësi profesionale.
Të shkarkuar nga vettingu
1- Fatos Lulo, gjyqtar kushtetues
2- Altina Xhoxhaj, gjyqtare kushtetuese
3- Besim Trezhnjeva, gjyqtar i apelit
4- Besa Nikehasani, prokurore e Apelit
Konfirmuar në detyrë
- Vitore Tusha, gjyqtare kushtetuese
- Fatjona Memçaj, prokurore e apelit
Del në datën 7 maj
1- Fatmir Hoxha, gjyqtar kushtetues
s.a/dita