Organizata “Reporterët pa Kufij” ka publikuar raportin për vitin 2015, sa i përket lirisë së medias në gjithë botën. Në analizë janë marrë 180 vende, ndërsa Shqipëria renditet në vend të 82.
Listën e kryeson Finlanda dhe në vend të fundit është Eritrea. Në krahasim me një vit më parë, Shqipëria ka bërë përparim, pasi ka qenë në vend të 85.
“Respektimi i lirinë e medias në nivel rajonal, por edhe në të gjithë botën ka përjetuar një rënie të thellë dhe shqetësuese”, theksohet në raportin e organizatës “Reporterët pa Kufij”.
Indeksi i lirisë së mediave në botë vlerësohet në bazë të këtyre kritereve: pluralizmi, pavarësia e medias, vetë-censura e mjedisit mediatik, mjedisit legjislativ, transparenca, infrastruktura dhe abuzimi.