Rexhep Qosja vazhdon luftën kundër Krajës, ASHAK-­ut dhe Mustafës

Rexhep Qosja e ka nisur vitin e ri 2015 me beteja të vjetra. Ai sërish është marrë me Akademinë e Shkencave dhe Arteve, LDK­në, dhe kryetarin e saj, Isa Mustafa, i cili rreth

një muaj më parë u bë edhe kryeministër i vendit.

Shkrimtari dhe akademiku ka reaguar ndaj shkrimtarit Mehmet Kraja i cili në shkrimin e tij “Kosova dhe Shqipëria në katër pamje”, Qosen në mënyrë pezhorative e përmend si “baba të kombit”, ndërsa e cilëson edhe si një nga autoritetet fiktive të Prishtinës, raporton Express.

Qosja në reagimin e tij, Krajën e quan zëdhënës të Akademisë së Shkencave dhe Arteve të Kosovës.

Sipas Qosjes, shkrimi i Krajës është në “një artikull programatik” i ASHAK-ut, por i nënshkruar nga Mehmet Kraja. Ndaj shkrimit të Qosje “Ideologjia e prapavajtjes” ka reaguar ASHAK-u ku thuhet se ky institucion nuk ka asnjë lidhje me shkrimin e Mehmet Krajës “Kosova dhe Shqipëria në katër pamje”, i botuar para disa ditëve. “Shkrimi i Krajës është autorial dhe anëtarët e Akademisë kanë mundur ta lexonin si të gjithë lexuesit e tjerë. Qosja, si dezinformues kujdestar dhe urrejtës patologjik i Akademisë, privilegjet e së cilës i gëzon si të gjithë anëtarët aktivë të saj, ndonëse nuk e ka shkelur pragun e saj prej 15 vitesh, mund t’i drejtohet vetëm Mehmet Krajës dhe pikëpamjeve të tij personale në shkrimin e përmendur”, thuhet në një komunikatë të Akademisë.

Por në reagimin e tij, Qosja nuk është marrë vetëm me Krajën dhe ASHAK­un.

Ai aty sërish ka përmendur kryeministrin Isa Mustafa, të cilin sërish e ka quajtur zyrtar të dikurshëm të Sllobodan Milloshevicit.

Ndërkohë që nuk ka lënë pa thumbuar as LDK­në, që sipas tij do t’i anëtarësojë edhe kafebërësit dhe procesmbajtësit në ASHAK.