Rezoluta, Vuçiç shuan entuziazmin për votën serbe në OKB: Votuam vetëm 4 nga 13 nenet, ato për integritetin territorial

Kryeministri Edi Rama nënvizon se vota e Serbisë kundër Rusisë për rezolutën e sotme në OKB, unifikon sipas tij, Ballkanin Perëndimor me Perëndimin.

‘141 vende ndëshkojnë Rusinë me votimin e tyre në OKB kundër agresionit ndaj Ukrainës! Rusia hyn në periudhën e vetmisë më të madhe të historisë së saj me veç 4 vende ultradiktatoriale që i qëndrojnë në krah! Vota e Serbisë kundër Rusisë unifikon Ballkanin Perëndimor me Perëndimin.’- shkruan Rama.

Por ndoshta entuziazmi në Tiranë për votën serbe është i pavend.

Vuçiç deklaroi sonte se Serbia ka votuar vetem 4 nene nga 13 qe ka rezoluta dhe vetem nenet qe permendin integritetin territorial. Lajmi konfirmohet nga vetë mediat sllave (Kliko linkun).

“Nga 13 akte, ne votuam për 4. Ne nuk votuam për 9, sepse po flasim për sanksione ndaj sektorit bankar rus, Putin dhe Lavrov. Ne kemi mbështetur vetëm ato që kanë të bëjnë me shkeljen e integritetit territorial”, tha Aleksandër Vuçiç.

Mënyra si ka votuar Serbia në thelb  është përsëritje e përmbajtjes së deklaratës së saj për agresionin rus në Ukrainë, deklaratë e cila u dënua nga komuniteti ndërkombëtar.

“Serbia po përballet me një presion të pashembullt dhe pak njerëz duan të dëgjojnë argumentet tona. Mendoj se ky është vetëm fillimi, presioni mbi vendin tonë do të jetë i madh në ditë e ardhshme”, tha presidenti serb.

“Pres që të ketë disa kurthe për Serbinë. Sapo kemi parë shqiptarët (Kosova) të aplikojnë për t’u bërë pjesë e NATO-s, pamë që e mbështeti Turqia”, shtoi Vuçiç.

Hapat e ardhshme sipas tij do të jenë për të përjashtuar Rusinë nga OKB. Kjo gjë tha Vuçiç do t’i hapë rrugë ndryshimit të Rezolutës 1244 për Kosovën.

n.s. / dita