Richard Burton dhe Liz Taylor “bashkohen” në bulevardin e famës. Pranë yllit të aktores së famshme është vendosur edhe ai i ish-bashkëshortit të saj, Richard Burton. Vlerësimi për aktorin vjen 30 vjet pas ndarjes së tij nga jeta. Aktori i njohur është nominuar 7 herë për Oskar, por nuk e fitoi kurrë këtë çmim. Ai është nderuar me çmimin e karrierës në pesëdhjetëvjetorin e filmit “Kleopatra”, në sheshxhirimin e të cilit lindi dashuria e tij me aktoren britanike. Lidhja e tyre u karakterizua nga ndarje e ribashkime të shpeshta. Ata u martuan dhe u divorcuan dy herë.