Rikthimi i “zërit”, pajisja që kthen mendimet në fjali

Teknologjia e së ardhmes mesa duket është shumë më afër nga sa mendonim. Shkencëtaret kanë arritur të ndërtojnë një pajisje që do t’u vijë në ndihmë njerzve, të cilët nuk mund të flasin e komunikojnë me botën përreth.

Sistemi i krijuar arrin të përdorë inteligjencën artificiale (AI) për të kthyer sinjalet e trurit në fjali të mirëfillta. Ai shfrytëzon të njëjtën teknologji të përdorur nga Amazon Echo dhe Apple Siri për të kthyër mendimet në fjali inteligjente dhe të kuptueshme.

Kjo makineri do të ndihmojë personat që kanë humbur aftësinë e tyre të komunikimit si pasojë e dëmtimeve fizike dhe do t’u krijojë mundësinë të flasin nëpërmjet një zëri të kompjuterizuar.

Gjithçka është e mundur nëpërmjet elektrodave të vendosura në trurin e pacientit, të cilat sintetizojnë sinjalet elektrike të trurit dhe prodhojnë tinguj.

Profesori i inxhinierisë elektrike Dr. Nima Mesgarani në Universitetin e Kolumbisë, Nju Jork, shpreson se shpikja e tij do të jetë ndryshimi i jetës për mijëra individë të sëmurë dhe të lënduar.

“Kemi treguar se, me teknologjinë e duhur, mendimet e këtyre njerzve mund të zbërthehen dhe të kuptohen nga çdo dëgjues. Në këtë skenar, nëse përdoruesi mendon se ka nevojë për një gotë ujë, sistemi ynë mund të marrë sinjale të trurit të gjeneruar në mendime dhe t’i kthejë ato në një fjalim sintetizues, verbal,” – deklaroi ai.

j.l./ dita