Ritual i përditshëm – Opozita akuzon, pozita përgënjeshtron!

Çdo ditë opozita,
e gjen nga një kleçkë,
të dalë e të flasë,
Ramën ta bëjë leckë!

Për të gjetur fakte,
s’vuan natyrisht,
se çdo punë e Ramës,
gjithnjë ka një bisht!

Por problem s’është bishti,
si mund të mendohet,
por fakti që shteti,
kurrë nuk maskohet!

Po me krenari,
vijon rrugëtimin,
dhe të fshehë “bishtat”,
as e merr mundimin!

I gjithë korrupsioni,
në vatanin tim,
bëhet me ndërgjegje,
dhe paramendim!

Hapur maxhoranca,
i bën kusaritë,
e nuk pjerdh për popull,
e për opozitë!

Por prapë opozita,
vazhdon denoncimet,
dhe si ritual,
vijnë përgënjeshtrimet!

Në përgënjeshtrime,
në fund do bitisni:
“Ju plehrat e SHQUP-it,
s’kini gojë të flisni!

S’kini gojë të flisni,
të ngrini furtunë,
se ju kini vjedhur,
nga neve më shumë!”

Dhe lufta me shifra,
hyn çdo ditë në lojë,
për ata që s’kanë,
për të folur gojë!

Nuk ka sektor shteti,
mos jetë atakuar,
por çdo gjë në çast,
është përgënjeshtruar!

Çdo ditë e çdo ditë,
shohin shqiptarët,
gënjeshtarë karriere,
dhe anti gënjeshtarët!

“Gënjeshtarë karriere”,
thotë Rama dhe çeta,
po në fakt nga SHQUP-i,
vijnë shumë të vërteta!

Por SHQUP-i i Salës,
është “penalizuar”,
të thotë ç’të dojë,
nuk duhet besuar!

Po unë e kam shkruar,
disa herë tek “Dita”,
duam-apo s’duam,
kjo është opozita!

Nuk është se papritur,
unë e kam dredhur,
po dhe opozita,
me vota është zgjedhur!

Kur ka denoncime,
qoftë dhe nga një mizë,
vetë prokuroria,
duhet të lëvizë!

Duhet gjithë akuzat,
ajo t’i hetojë,
se përgënjeshtrimi,
s’mund të të pastrojë!

Dhe kjo qeveri,
emrin e përbalti,
po Rama me Llallën,
janë në muaj mjalti!

KLSH-ja thotë,
lekët kush i griu,
dhe asaj i thonë,
“Je vegël Saliu!”

Kur s’bën gjë më shumë,
se përgënjeshtrime,
e vërteta mbetet,
gjithmonë jetime!

Aq më shumë kur thagmat,
bëhen fare hapur,
vendi ynë vazhdon,
të jetë vend i kapur!

Është një vend i kapur,
në kthetra korrupsioni,
ndaj duket shumë fallco,
“Njerëz denonconi!”

Denoncime ka,
pa fund-e pa fund,
po herr-korrupsionin,
asgjë nuk e tund!