Ylli i Bajern Mynih, Arjen Roben, thotë se mosha nuk ka shumë ndikim në të dhe beson se ai po përmirësohet me kalimin e viteve.
Roben ka dhënë një prononcim për Goal, ku ka folur edhe për orarin e ngjeshur të ndeshjeve të futbollit.
“Mendoj se është shumë e rëndësishme të shikosh veten dhe të kujdesesh për trupin.
Veçanërisht pas një sezoni të gjatë, ku ne luajtëm në Botëror dhe kishim pak kohë pushim.
Megjithatë, kjo është pjesë e lojës.
Ju duhet të vazhdoni dhe të pushoni kurdo që keni rast.
Ne do të vazhdojmë të luftojmë deri në pushimin dimëror.
Mosha ime? Sa më shumë që plakem, aq më i mirë bëhem…”, ka thënë Roben.