Roma ka fituar derbin në “Olimpico” kundër Lazios me rezultatin 1-2 duke siguruar kështu kalimin direkt në fazën e grupeve të Ligës së Kampionëve.
Edhe pse lacialët rrezikuan shumë në pjesën e parë ata nuk rezistuan dot deri në fund.
Në 45 minutat e dyta Roma tregoi “dhëmbët” duke shënuar edhe golin e parë me Juan Iturbe në minutën e 74-t.
9 minuta më vonë Lazio kundërpërgjigjet dhe barazon me Filip Djordeviç në minutën e 82-të.
Baraspesha zgjati vetëm 3 minuta dhe verdhekuqtë shënuan të dytin me Mapou Yanga-Mbiëa, i cili ekzekutoi në mënyrë perfekte një gjuajtje të lirë në minutën e 85-të.
Me një diferencë prej katër pikësh me Romën dhe e sigurt në vendin e tretë, Lacio do të luajë në play-off për të siguruar tashmë një biletë në Ligën e Kampionëve për sezonin e ardhshëm.
SUPER NDESHJE.