Cristiano Ronaldo thyen heshtjen në lidhje me zërat që flasin për largimin e tij në fund të sezonit nga Reali i Madridit, zëra që kohët e fundit janë shtuar ndjeshëm.
Sulmuesi portugez ka përgënjeshtruar gjithçka, duke konfirmuar dëshirën e tij për të qenë ende pjesë e ‘Los Blancos’.
“E dua këtë klub dhe dua të qëndroj – tha Ronaldo që mori edhe një çmim tjetër, atë të lojtarit më të mirë sezonin e kaluar, dhënë nga website sportiv kinez Dongkjudi – E adhuroj jetën në Madrid, më pëlqen klima, njerëzit, e për më tepër Portugalia është sjhumë pranë. Madridi është qyteti im që nga viti 2009”.
Një deklaratë kjo që paralajmëron edhe presidentin Florentino Perez, i cili së fundmi mendoi edhe për një shkëmbim mes Ronaldos dhe Neymar nga Paris Saint Germain.