Tashmë që Barcelona gjendet 18 pikë larg në kryesimin e kampionatit spanjoll, Reali ka si prioritet kryesor fitimin e Ligës së Kampioneve, thotë në një intervistë për Fifa.com Kristiano Ronaldo.
“Nuk e nisëm mirë kampionatin dhe e dimë që rikuperimi është shumë i vështirë. Gjithsesi do të mundohemi të fitojmë ndeshjet tona sepse kemi Kupën e Mbretit dhe Ligën e Kampioneve për të fituar. E dimë që Champions-i është trofeu që duan më shumë tifozët tanë. Sezonin e kaluar arritëm deri në gjysmëfinale, ndërsa këtë sezon duam të kapim finalen e madhe. Fillimisht duhet të mundim Manchester United. Mundësitë janë 50/50, por unë kam shumë besim”, thotë ylli i futbollit portugez.