Prej disa orësh në mediat e shkuara, por më së shumti në rrjetet sociale janë hapur debate për 4 futbollistët që nuk do të udhëtojnë drejt Francë. De Biasi zgjodhi 23 futbollistët që ai mendon se janë pikërisht ata që mund ti shërbejnë më mirë Shqipërisë në të parin evropian të saj.
Në fakt kështu duhej të ishte dhe të vetmit që e kanë kuptuar kështu, janë ata, protagonistët që nuk morën biletën për në Francë. Në postimin e tij në Facebook, Amir Rrahmani shpreh keqardhje, por Brenda saj ka edhe shumë krenari. “Nuk është e lehtë, por duhet të pranosh vendimet e trajnerit. E respektoj këtë vendim dhe uroj me gjithë zemër të na bëjnë shokët tanë krenarë në Europian”, shkruan Rrahmani.
Rrahmani humbi mundësinë të luajë në këtë evropian, por ai dhe shumë të tjerë që do të mungojnë fizikisht, e shkruajtën emrin në listën e heronjve të futbollit shqiptar.