Shkon në tre numri i viktimave nga aksidenti i ndodhur më 3 dhjetor, në aksin rrugor Rrëshen-Kalimash. Pashk Gjoka është personi i tretë që ka humbur jetën, si pasojë e aksidentit në fshatin Reps të Mirditës.
Në tentativë për ta kaluar nga njëri kah i rrugës, në tjetrin, tre kalimtarët janë përplasur nga një automjet tip “Fiat” që drejtohej nga Mersin Allaraj, i cili po lëvizte në drejtim të Rrëshenit. Sipas policisë viktimat janë Marte dhe Gjyste Tusha, përkatësisht 75 dhe 18-vjeç, gjyshja dhe mbesa, ndërsa i plagosur rëndë mbeti Pashk Gjoka, 53-vjeç, i cili ndërroi jetë dje.