Infeksionet kronike të veshit janë një ndër shkaqet kryesore të humbjes së dëgjimit. Autoritetet e shëndetit publik thonë se mbi 30 për qind e humbjes së dëgjimit te fëmijët shkaktohet nga sëmundje të tilla, si: fruthi, shytat, rubeola, meningjiti dhe infeksionet e veshëve.
“Është llogaritur se deri në 330 milionë njerëz vuajnë nga infeksionet kronike të veshit në nivel global. Kur nuk trajtohen, infeksionet kronike të veshit çojnë në humbjen e dëgjimit dhe mund të shkaktojnë komplikacione dhe vdekshmëri”, bëjnë me dije ekspertët e shëndetit publik.
“Sipas tyre, infeksionet kronike të veshit janë të parandalueshme dhe mund të menaxhohen në mënyrë efektive përmes trajtimit mjekësor dhe ndërhyrjeve kirurgjike”, shkruan Dita.
p.k/dita