Bordi i Sigurisë në Holandë pritet të publikojë një raport përfundimtar ku do të bëjë me dije arsyet se pse avioni i Malajzisë Flight MH17 u rrëzua në Ukrainë vitin e shkuar, duke vrarë 298 persona në bord.
Gjetjet paraprake thonë se avioni u godit nga “objekte me energji të lartë” jashtë avionit, duke nxitur spekulimet se për rrëzimin e tij është përdorur një raketë tokë-ajër.
Perëndimi dhe Ukraina bëjnë përgjegjëse Rusinë për rrëzimin e avionit Boeing 777, ndërsa Rusia fajëson Ukrainën. Por raporti që po publikohet nuk bën përgjegjës asnjë palë, raporton BBC-ja. Nga ana tjetër, Rusia pritet të nxjerrë një raport të sajin.
Avioni fluturonte nga Amsterdami në Kuala Lumpur, ndërsa u rrëzua në pjesën lindore të Ukrainës më 17 korrik të vitit të shkuar, në kulmin e konfliktit midis trupave qeveritare dhe separatistëve pro rusë. Viktimat përfshinin 196 shtetas holandezë dhe 10 britanikë.
Bordi i Sigurisë në Holandë pritet të paraqesë gjetjet e saj për herë të parë për familjet dhe të afërmit e viktimave dhe më pas për gazetarët. Bordi gjithashtu do të tregojë pjesë të avionit që janë kthyer prapa nga rajoni i Donetskut. /Dita/
ruset kane qene dhe jane Z A G A R E TE BOTES PRASI