Dekani i Fakultetit Histori-Filologji në Universitetin e Tiranës, Shezai Rrokaj, ka deklaruar sot se gjuhës shqipe duhet t’i bëhen rregullimet e nevojshme, por pa e cenuar standardin e saj. Sipas Rrokaj duhen studime të mirëfillta të brendshme të folklorit, etnologjisë dhe jo t’i kushtojmë rëndësi gjuhësisë historike të jashtme.
Më tej Rrokaj nënvizoi se duhen bërë rregullimet e nevojshme të gjuhës sipas rregullave që janë përcaktuar në Kongresin e Drejtshkrimit. Deklarata e dekanit Rrokaj u dha në aktivitetin ‘Java e Albanologjisë’, që organizohet në kuadër të 100-vjetorit.
“Të bëhen edhe rregullimet e nevojshme, për rregullat që janë përcaktuar në Kongresin e Drejtshkrimit sepse ne tanimë kemi një periudhë gjatë së cilës shqiptarët e kanë përdorur dhe përdorin standartin. Kjo periudhë tashmë në mundëson të bëjmë verifikimet e kësaj natyre dhe të bëjmë ato ndreqje të nevojshme, pa e cënuar standartin dhe jo ti kushtojmë një rëndësi asaj që quhet gjuhësi historike e jashtme sic kemi pasur prirje deri sot”, deklaroi Rrokaj. (Balkanweb)