E nderuar DITA! A do ta bëjë detyrën kryeprokurori i ri? Apo do jetë një frikacak pa kurajo si ata përpara tij? Do ta shohim. Ajo që dimë deri tani është që: 1- Prokurori Llalla dështoi si kryeinspektor i kontrollit të pasurisë së politikanëve shqiptarë, sepse nuk paditi asnjë politikan dhe sidomos BERISHËN si shtetari më i korruptuar familjarisht në Shqipëri. 2- Prokurori Llalla, e shkelmoi Kushtetutën në frymë dhe në gërmë qysh kur e pranoi detyrën e prokurorit pa i mbaruar mandati paraardhëses Rama. 3- Prokurori Llalla e pranoi detyrën po nga Berisha, i cili e ka sulmuar gjithmonë prokurorinë e shtetit, duke i shkarkuar të gjithë K/prokurorët e mëparshëm të Shqipërisë.
Por prokuror i mirë mund të bëhesh duke zbatuar me korrektësi ligjin dhe vetëm ligjin më me profesionalizëm dhe ndërgjegje shumë më të lartë se prokurorët e mëparshëm. Dhe kjo kërkon me patjetër që Ju zoti Llalla të ristartoni menjëherë si dosje të parë dosjen për shtetarin dhe politikanin Sali Berisha, për krimet që Ai ka bërë, sidomos për krimin e vrasjes me paramendim të 4 qytetarëve të pafajshëm më 21 Janar 2011 përpara zyrës së tij. Nëse do mbrosh krimin dhe korrupsionin shtetëror zoti Llalla, të jesh i sigurtë që edhe ju do të pësoni fatin e z.Rakipi, të z.Sollaku dhe znj.Rama. Ke vetëm një rrugë: të tregohesh kurajoz jo dhjeraman. Të gjitha rrugët e tjera do të të çojnë në të njëjtin vend ku shkuan ata para teje.
Letër e nënshkruar: Teki Koka