Rrugët e Sali “ trokës” sa diametri i Tokës

E nderuar Dita!

Para ca ditësh “ hodhe dorashkën”  e sfidës për qeveritarët duke u servirur  formularin e bardhë në të cilin pushtetarët medemek do të hidhnin objektet ku ishte investuar në rrugë për të mbushur atë fantastiken shifër 10 000 kilometra afërsisht sa diametri i tokës ose një e katërta e perimetrit të saj. Kemi asfaltuar 10 000 kilometra rrugë,   thotë Saliu , kur diametri i tokës është 12 756 kilometra dhe perimetri 40 000 kilometra. Edhe katër vite e do të asfaltojë gjithë perimetrin  e tokës ky zotëri.

Më fantazi se kaq nuk mund të gjesh as në librat fantasiko – shkencor. Në respect të gazetës “ dita” e jo për të bërë punën e qeverisë, më lejoni të filloj mbushjen e fletës së parë të formularit tuaj me investimet në rrugët nacionale të qarkut Dibër në vitet 2005 – 2011 , në shtatë vite.

Qarku i Dibrës ka gjithsej 242 kilometra rrugë nacionale të shpërndara në aksin Peshkopi – Skuraj 121 kilometra, Peshkopi – Qafë Draj ( në drejtim të Kukësit) 49 kilometra , Qafë Bualli  ( Bulqizë ) – Krastë      ( Martanesh) 18 kilometra, Maqellarë – Dogana Bllatë 4 kilometra, Ura e Çerenecit – Steblevë 39 kilometra , Burrel – Komsi 7 kilometra dhe Ura e Ulzës – Ulëz  3 kilometra. Në statistika janë 164 kilometra të asfaltuara në vite e dekada dhe 78 kilometra për zhavorri a balte.

Në aksin Peshkopi – Qafë Draj  nuk është hedhur asnjë gram asfalt , distanca prej 10 kilometrash nga Peshkopia në Muhur është asfaltura në kohën e “ xhaxhit” ndërsa pjesa tjetër prej 39 kilometrash Muhurri – Zall Reç vazhdon të jetë për dheu.Aksi Qafë Bualli – Krastë vazhdon të jetë për ibret.

Në akisn kryesor nacional Peshkopi – Ura e Skurajt  lekë janë hedhur me thasë , por kush udhëton në këtë rrugë “ ka kënaqësinë” të kërcejë napolonion e çiftatelin nën melodinë e hareshme  të furgonëve  tek hidhen nëpër gropa.

Ja dhe formulari i investimeve në këtë rrugë që vetëm rrugë nuk mund të quhet.

INVESTIME NË AKSIN SKURAJ  – PESHKOPI NË VITET 2005 – 2011

Janë plot  872 559 mijë lekë  të reja, rreth 9 milionë dollar të  hedhura në këto gropa që përsëri gropa kanë mbetur.

Shtuar këtyre dhe vlerën 1 367 709 000  harxhuar për segmentin e Rrugës së Arbërit nga Cereneci në Bulqizë prej 17.4 kilometrash  dhe vlerën  385 372 805 lekë   të aksit tjetër të Rrugës së Arbërit nga Maqellara në Herbel 3.4 km

Pra janë gjithsej 20.8 kilometra rrugë të reja që kanë kushtuar 1 830 156 366 lekë. Së bashku me 872 559 000 lekë të hedhura në pjesë të tjera të Aksit Peshkopi – Ura e Skurajve , shifra shkon në  2 702 715 366 lekë ose 27 milion dollarë në një aks prej 121 km , në të cilin rrugë ( jo autostradë) mund të qyhen vetëm dy segmente të Rrugës së Arbërit të cituara , të tjerat janë   “ male “ gropash.

Në një dokument  tjetër zyrtar (i disponueshëm)   jepen shpenzimet e  bëra për investimet në rrugë për vitet 2005- 2010 sipas një sive  vendore të qarkut Dibër   . Janë plot7 924 028 365 lekë nga të cilat në Dibër  6 474 007 875, në Bulqizë 542 344 983 lekë dhe në Mat 907 675 507.

Kur shikon lekët e harxhuara nuk ke si  të mos thuash “ Lumsi ne” , po kur shikon rrugët e shaktërruara del ofshama “ të mjerët ne”.