Me Ramut gangsterin, sivellaun e berishes, me ne fund pate dite te bardha ju socialistet

Njeri pas tjetrit ne heshtje ose braktiset PS ose firmoset pislliqet e Ramutit

Kongresi i 10-të i PPSH u zhvillua në një situatë të vështirë e komplekse politike për vendin dhe për anëtarët e PPSH-së, sepse ai u strukturua dhe u konceptua nga Ramiiz Alia si një mundësi për të rrëzuar personalitetin e E. Hoxhës dhe për të ngritur kultin e vetes nëpërmjet marionetave si G. Ruci, F. Nano etj., por që nuk ia arriti qëllimit në këtë kongres, por e vijoi tradhtinë ndaj atyre që bene historinë me pushkë e me ndertim të vendit për mbi 50-të vjet, në ditët në vijim pas Kongresit. Ka një qasje tjetër për këtë Kongres, ai nuk miratoi një rezolucion për kthimin e PPSH në PS dhe ajo u krahasua me PS e Miloshevicit në Beograd dhe delegatët nuk e miratuan, por që R. Alia me dishepujt e vet e realizoi më pas. Në këtë Konges pati edhe zëra si ajo e D. Agollit, por edhe pse ishte një poet i shquar i vendit ai nuk fitoi në zgjedhjen e tij në forumet drejtuese, sepse iu kërkua si ish anëtar i KQ të PPSH të jepte llogari dhe jo të kërkonte nga të tjerët llogari dhe zëri i tij u mbyt nga qindra delegatë, si edhe ai i M. Zeqos, i cili kishte vetëm inate personale me E. Hoxhën për debate të ndryshme, normale për një sistem politik.

Ishte krijuar pluralizmi politik me ndihmën e R. Alisë, i cili si kanë shkruar disa studiues më pas ka qenë edhe agjent i SIMIT e ka dorë në eliminimin e M. e K. Tutulani etj. dhe e shembi socializmin real që luftuan breza të tërë për ndërtimin e vendit nga Jugu në Veri, u vranë nga bandat e diversantëve mbi 1000 njerëz të pafajshëm dhe Shqipëria u mbulua nga vepra të shumta industriale etj. etj dhe nuk është e nevojshme t’i përmendim të gjitha, por ata që dëshironin “socializmin demokratik” apo që donin PS le të formonin një parti të tyre dhe nuk kishte asnjë arsye të rrëmbenin të gjitha kapitalet humane e financiare të PPSH dhe të nxirrnin nga loja PPSH me të mirat e të këqijat e saj ne vite, ashtu si bënë edhe anëtarët e PD-së që themeluan partinë e tyre politike. Jo, sepse këtu synonte tradhtari R. Alia, ky shte objektivi i tij politik dhe premtimi që ai u kishte bërë të huajve antishqiptarë e natyrisht të shpëtonte edhe koken e tij, por që revanshisti më i madh antikombëtar S. Berisha nuk e fali dhe e burgosi me të tjerët…
G. Ruci vinte nga një fshat tepër malor i Tepelenës dhe atë nuk e kanë votuar as në vendlindjen e tij, ashtu si edhe B. Finon, një mbështetës i ballistëve në Gjirokastër dhe socialistët gjirokastritë, të cilët ishin në shumicë me bindje komuniste, mezi pritën për ta larguar e për t’ia harruar emrin, por që në krye të Qeverisë së Pajtimit Kombetar e solli S. Berisha.

Kështu ndodhi edhe me G. Rucin, beniamin i R. Alisë, i sjellë në Qeveri nga R. Alia. i cili e kishte promovuar edhe për Sekretar të Parë të Tepelenës dhe shërbimin më të mirë ai e bëri në seancën rreth 8 orë për të gjykuar ish-Byronë Politike, ku ai mbrojti me shkathtësi mikun e tutorin e tij R. Alinë dhe denigronte të tjerët, bashkëpunëtorët e tij të luftës e të punës e a thua se Alia ishte një ëngjëll në raport me të tjerët ?!…Si mund të vegjetonte një mësues mediokër fshati pa arsim të plotë të lartë përkrah intelektualëve të formatit Hajdaraga, Pëllumbi, M. Lakrori apo edhe R. Mejdani etj. pa ndihmën e mbeshtetjen e mentorit të tij R. Alisë?!…Ndaj, ai edhe më pas me ndihmën e E. Ramës sulmuan e përjashtuan figura të spikatura të PS si K. Islami, N. Dokle, A. Malaj, B. Blushi e plot të tjerë që u larguan nga forumet drejtuese, pas vitit të mbrapshtë 2005, kur në krye të PS me ndihmën e G. Rucit erdhi E. Rama, i cili largoi boshtin kryesor që bashkonte dy periudhat Luftën NÇ dhe Ndërtimin e Vendit dhe e zëvendësoi atë me G99 e Lëvizjen Mjaft, të cilët morën teserën e PS, pasi morën edhe portofolet e qeverisjes lokale e qendrore e socialistët e vërtete shkopin … nga mbrapa.

Të vjen neveri, kur hymnizohen figura të nivelit mesatar, nuk përmenden mijëra socialistë që provuan mbi shpinën e tyre luftën e klasave të S. Berishës me shokë, por që në asnjë moment nuk patën mbeshtetje as edhe nga E. Rama e struktuat e tij, socialistët e vërtetë për Ramën ishin vetëm për të votuar për pushtetin e tij dhe ata gjatë perandorisë së Ramës nuk u ftuan as edhe për një mendim, apo edhe kur vinin në CV-në e tyre se ishin socialistë që në Themelimin e PS, kurrë nuk morën asnjë përgjie apo vlerësim?!…

E majta shqiptare ka nevojë per formatin e inteletualeve drejtues te PS si M. Lakrori, A. Malaj, A. Dade, E. Ruka, N. Dokle etj. dhe jo si disa qe sot e duan PS vetem per te rregulluar veten apo femijet e tyre dhe te tjeret jane vetem per vota e me pas degdisi ne mikroboten e vet te varferise…

PS duhet te reformohet si nje parti e vertete e majte, sepse e tille lindi, edhe pse nëpërmjet polemikave të shumta e mungesës së transparencës dhe nuk mund ta deformojnë njerëz te tipit E. Rama apo G. Ruci etj. qe ate e pane vetem me syrin e lopes me qumesht plot…Edi Rama, po do parti të tipit Rilindje, të atyre që qanin në shkallët e Pallatit të Kongreseve, kur G. Ruci drejtone seancën maratonë për ndëshkimin e baballarëve të tyre e sot kanë marrë frenat e pushtetit, le te themeloje nje parti si ajo e B. Blushit dhe ka per ta provuar se as dy-tre deputete nuk ka per te marre dhe me deshire te zjarrte do t’i kthehet piktures surealiste…