Suedia dhe vendet skandinave janë ndër të parat vende anëtare të BE që bëjnë me dije se mbështesin Shqipërinë në hapjen e negociatave.
Kryetari i Kuvendit, Gramoz Ruçi dhe kreu i grupit parlamentar të PS-së, Taulant Balla ndodhen në Talin të Estonisë, në samitin e krerëve të parlamenteve të BE-së, ku mund të realizohen takime dy palëshe për të kërkuar mbështetjen për negociatat.
Kryetari i Parlamentit të Suedisë, Urban Ahlin, u shpreh gjatë takimit me Ruçin se, Suedia dhe vendet Skandinave mbështesin hapjen e negociatave me Shqipërinë.
Gjithashtu, Ruçi zhvilloi një takim edhe me Kryetaren e Senatit Hollandez, Ankie Broekers-KNOL.
Këto takime të rëndësishme vijnë menjëherë pas marrjes së rekomandimit për hapjen e negociatave për anëtarësim të Shqipërisë me BE, nga Komisioni Evropian.
Në fokusin e diskutimeve, takimet do të kenë tematikat si e “E ardhmja e Bashkimit Evropian” dhe “Evropa dhe mbrojtja e sigurisë”.
s.a/dita